Дьокуускайга дьахтары массыына түҥнэри көттө

Ааспыт сууккаҕа өрөспүүбүлүкэ үрдүнэн аҕыс буруйу кэһии бэлиэтэннэ диэн СӨ дьуһуурунай борокуруора иһитиннэрэр.

Дьокуускайга уоруу, Алдаҥҥа, Мииринэйгэ, Тааттаҕа түөкүннээһин буолбутун туһунан сайабылыанньалар киирбиттэр. Ол курдук, Мииринэйгэ учууталга «ФСБ» үлэһитэбин диэн эрийэн албыннааннар, 2,2 мөл. солк. суйдаабыттар. Нерюнгрига наркотигынан эргиммиттэрэ биллибит. Ньурбаҕа итирэн баран уруулга олорбут суоппары иккистээн туппуттар.

Итиэннэ суукка иһигэр алта техногеннай баһаар бэлиэтэннэ, өлбүттэр, эчэйбиттэр суохтар.

Киһи өлүүлээх суол быһылаана буолбата. Дьокуускайга Ильменскэй уулуссаҕа баар дьиэ таһынан хааман испит дьахтары массыына түҥнэри көтөн, балыыһаҕа киирдэ.

Суукка иһигэр алта суоппар итирик туруктаах массыына ыытан тутулунна.