Дьокуускайга “Дьиэ кэргэн үгэстэрэ” бэстибээл ыытыллыа
![](https://sakha-sire.ru/wp-content/uploads/2024/07/semejnye-tradiczii-1060x596.jpg)
От ыйын 8 күнүгэр бүтүн дойду үрдүнэн дьиэ кэргэн бырааһынньыгын — Бүтүн Арассыыйатааҕы Дьиэ кэргэн, таптал уонна эрэллээх буолуу күнүн бэлиэтииллэр, диэн суруйар СӨ Ил Дарханын уонна Бырабыыталыстыбатын пресс-сулууспата.
Бу күн Арассыыйа куораттарыгар дьиэ кэргэни бөҕөргөтүүгэ анаммыт араас тэрээһиннэр ыытыллыахтара: дьиэ кэргэн көрдөөх күрэхтэһиититтэн саҕалаан, талааннаах ыаллар кэнсиэртэринэн түмүктэниэ.
От ыйын 8 күнүгэр “Бастакылар хамсааһыннара” эрэгийиэннээҕи салаата киин куорат олохтоохторун уонна ыалдьыттарын Комсомол болуоссатыгар 15:00 чаастан 19:00 чааска диэри буолар дьиэ кэргэн бэстибээлигэр ыҥырар.
Бэстибээл бырагыраамата:
15:00. Параадтаан киирии (оскуола киириэн иннинээҕи саастаах оҕолордоох ыаллар) Саха циркэтиттэн Комсомольскай болуоссакка диэри.
16:00-19:00. Комсомольскай болуоссакка куорат уһуйааннара кыттыылаах бырааһынньыктааҕы кэнсиэр, маастар-кылаастар, оонньуулар, быыстапкалар, о.д.а. ыытыллыахтара.
16:30. “Биһиги – Арассыыйа гражданнарабыт” Бастакылар хамсааһыннарын бырайыагын чэрчитинэн пааспардары туттарыы.
Сообщить об опечатке
Текст, который будет отправлен нашим редакторам: