Киин куоракка элбэх кыбартыыралаах дьиэҕэ уот турда

Бэс ыйын 9 күнүгэр киин куорат Билибин аатынан уулуссаҕа 14 этээстээх дьиэҕэ уот турда. Уот ыаллыы турар кыбартыыра болкуонугар кытта түспүт.

«Баһаар кэмигэр түннүк, куукуна миэбэлэ уонна 6 кв.м иэннээх болкуон, ону кытта ыаллыы турар 2 кв.м. иэннээх болкуон, 10 кв.м. иэннээх дьиэ фасада умайбыт, — диэн Саха ЫБММ пресс-сулууспатыгар иһитиннэрдилэр.

Саахалга эмсэҕэлээбит дьон суох. Баһаар төрүөтэ, буруйдаахтар уонна хоромньу быһаарыллар. Уоту умуруорууга 43 исписэлиис уонна тоҕус тиэхиньикэ кытынна.