Дьокуускайга эр киһи күргүйдээн туран харчы уорбут

Ааспыт сууккаҕа өрөспүүбүлүкэ үрдүнэн үс буруйу оҥоруу бэлиэтэннэ диэн СӨ Борокуратуурата иһитиннэрэр.

Дьокуускайга Киров уулуссатыгар уоруу буолбутун туһунан иһитиннэрбиттэр. Эр киһи күргүйдээн туран 54 тыһ. солк. харчыны уорбут.

Семен Данилов уулуссатыгар баар дьиэҕэ үлүһүйүүлээх оонньуулары тэрийэр тэрилтэ баара биллибит.

Мэҥэ Хаҥаласка суоппар итирэн баран иккистээн уруулга олорбутун туппуттар.

Суукка иһигэр түөрт техногеннай баһаар буолла. Дьокуускайга Бүлүүлүүр тракка баар Теплай уулуссаҕа буолбут баһаарга 1989 с.т. эр киһи эчэйбит.

Киһи өлүүлээх суол быһылаана буолбата.

Суукка иһигэр 12 итирик суоппары туттулар.