Дьокуускайга эр киһи сокуоннайа суох табаҕы эргиниигэ буруйданна

Дьокуускай куорат борокуратуурата 61 саастаах олохтооҕун холуобунай дьыалатыгар судаарыстыбаннай буруйдааһынын суут өйөөтө. Кини Холуобунай Кодексынан анал бэлиэтэ (маркировката) суох сокуоннайа суох табаҕы эргиниигэ буруйданна.

Суут быһаарыытынан, урбаанньыт табах бородууксуйатын атыылыырга лицензията суох сылдьан, 2023 сыл ыам ыйыттан 2024 сыл бэс ыйыгар диэри сокуоннайа суох анал бэлиэтэ суох 2 169 522 солк. суумалаах табаҕы атыылаабыт. Ол эбэтэр олус улахан кээмэйдээх хоромньуну таһаарбыта ыйылынна.

Судаарыстыбаннай буруйдааччы ирдэбилин учуоттаан, суут эр киһини 2 сыл усулуобунай болдьохтоох көҥүлүн быһарга уураахтаата. Бириигэбэр сокуоннай күүһүгэр киирэ илик. Бу туһунан СӨ Борокуратуурата иһитиннэрэр.