Ульяна Захарова хаартыскаҕа түһэриитэ.
Муус устар 19 күнүгэр бастакы вице-премьер Дмитрий Садовников Дьокуускай куорат уокуруктааҕы дьаһалтатыгар ыксаллаах балаһыанньаны сэрэтиигэ, туоратыыга уонна баһаартан куттал суох буолуутугар хамыыһыйа мунньаҕын ыытта. Бэбиэскэҕэ өрөспүбүлүкэ киин куоратыгар хаар уутун ыытыы боппуруоһа турда.
Быйыл халыҥ хаартан сылтаан сулууспалар хаары таһыыга уонна ууну бырахтарыыга ыарахаттары көрүстүлэр. Быйыл саас куорат сулууспалара 7 578,5 м3 ууну бырахтардылар, 770 тыһыынча хаары тиэйдилэр. Ол да буоллар тиэхиньикэ уонна үлэһит тиийбэт.
“Дьокуускай куорат мэрията ситэ үлэлээбэт диир сыыһа буолуоҕа. Бу былааннаах үлэни муниципалитет сыллата ыытар. Ол эрээри быйыл сөҥүү элбэх этэ. Бу кыһалҕаны быһаарыы уопсай сорукпутунан буолар”, — диэтэ Садовников.
Бастакы вице-премьер куоракка эбии тиэхиньикэ уонна үлэһит бэриллиэҕэ, — диэтэ.
Куорат хас биирдии управатыгар уонна куорат таһынааҕы нэһилиэктэргэ былаас ситэриилээх уорганнарын сыһыардылар. Онон баларга министиэристибэлэр кыттыһыахтара.
Куорат дьаһалтата иһитиннэрбитинэн, ууну бырахтарыыга 47 ассенизационнай массыына үлэлээбит. Мотопомпалары уонна уот носуостарын туһаналлар. Эбии тиэхиньикэни үлэлэтэллэр, “Жилкомсервис” МУП урбаанньыттары кытта дуогабардаһар.
“ Түүн лотуоктар тоҥоллор, олору күнүс ириэриэххэ наада. “Якутдорстрой” этэринэн, “ливневкаларга” балаһыанньаны тупсарарга сүрүн уулуссаларга уонча күн наада”, – диэбитэ бу иннинэ куорат баһылыга Евгений Григорьев.
Хаары суукканы эргиччи таһаллар. Ол курдук, 30 тиэхиньикэ үлэлиир.
Хаары таһарга үс полигон баар. Сэбиэскэй Аармыйа 50 сыла уулуссаҕа баар полигон туолан, Бүлүү переулогар, Хатыҥ Үрэх шоссетыгар тиэйэн эрэллэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…