Дьокуускайга Ийэ дойдуну көмүскээччи сылын бэлиэтин ыйаатылар

СӨ Аҕа баһылыгын уонна бырабыыталыстыбатын дьыалаларын управлениета «Туймаада-ньиэп» хампаанньа өйөбүлүнэн,  Дьокуускай куорат киинигэр баар административнай дьиэҕэ Ийэ дойдуну дойдуну көмүскээччи сылын бэлиэтин (символын) ыйаата.

Бу өрөспүүбүлүкэ олохтоохторугар сомоҕолоһуу уонна киэн туттуу бэлиэтэ буолуоҕа. Санатан суруйдахха, тохсунньу бүтүүтэ Ил Дархан Айсен Николаев бэрэссэдээтэллээх ыытыллыбыт патриотическай иитиигэ координационнай сэбиэт мунньаҕар Ийэ дойдуну көмүскээччи сылын  бэлиэтин презентацията буолбута.

Георгиевскай лиэнтэ бэтэрээннэргэ ытыктабылы, аҕа көлүөнэ хорсун быһыытын кэрэһилиир.  «Z» буукубаны логотипка туһаныы, сомоҕолоһууга, дойдуну көмүскээһиҥҥэ болҕомтону тардарын, улаатыннарарын бэлиэтиир.

«Патриотизм — биһиги норуоппут күүһүгэр итэҕэйии, оттон сүрүн болуоссакка туруоруу — көлүөнэлэр сомоҕолоһууларын  уонна биһиги дойдубутун көмүскүүргэ бэлэммитин туоһулуур», — диэн Управление салайааччыта Иван Лазарев бэлиэтээтэ.