Хаартыска: Куорат мэрията
Оптуорунньукка, ыам ыйын 28 күнүгэр, куорат уокуруктарын уонна куорат таһынааҕы уокуруктар салайааччылара субуотунньукка түмсэн, киин куорат «Московскай» искибиэригэр «Я люблю Якутск» мас арт-эбийиэги саҥартылар.
Искибиэр территориятын эмиэ тупсардылар. Киин куорат баһылыга Евгений Григорьев салайааччылар көҕүлээһиннэрин өйөөтө. Центральнай уокурук салайааччыта Айсен Куличенко бэлиэтээбитинэн, маннык хабааннаах араас үлэлэр тиһигин быспакка ыытыллаллар.
««Московскай» искибиэригэр мас тутууну кырааскалаатыбыт. Ону таһынан сотору кэминэн Дьокуускай куорат атын учаастактарынан өрөмүөннүүр-чөлүгэр түһэрэр үлэлэри ыытыахпыт, ол иһигэр тротуардар өрөмүөннэрин ыытыахпыт», — диэн быһаарда Айсен Куличенко.
Санатан эттэххэ, арт-эбийиэк «Московскай» искибиэргэ 2018 сыллаахха Дьокуускай куорат 386 сылыгар аһыллыбыта. 2017 сыллаахха уокурук дьаһалтата «Я люблю Якутск!» диэн куонкуруһу тэрийбитэ, сүүмэрдээһиҥҥэ «Восток+» хампаанньа эдэр архитектордара бастаабыттара. Ааптардар аҥардас арт-эбийиэк эрэ буолбакка, аныгылыы көстүүлээх дьон сынньалаҥыгар анаан тутарга этии киллэрбиттэрэ.
Эбийиэк каркааһа тимиртэн оҥоһуллубута уонна маһынан бүрүллүбүтэ. 10 миэтэрэ уһуннаах мас оҥоһугу тутууга тыһыынчаттан тахса мас элеменнэрэ туһаныллыбыта.
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…