Дьокуускайга — «Кыайыы вальса»

Бүгүн Доҕордоһуу болуоссатыттан Орджоникидзе болуоссакка тиийэ оскуола оҕолоро, устудьуоннар, үлэ кэлэктииптэрэ, бэтэрээннэр түмсүүлэрэ, үҥкүү ансаабыллара «Кыайыы вальса» улахан тэрээһиҥҥэ кыттыыны ыллылар.

Чаас аҥаара Улуу Кыайыыга анаммыт ырыалар доҕуһуолларынан Дьокуускай куорат киин уулуссатынан — Ленин проспегынан үс болуоссаты хабан,  эдэр, орто саастаах, ытык кырдьаҕас — үс көлүөнэ дьон вальстаан дайдылар.

Дьокуускайга хаһан да буолбатах ураты көстүү үгүс дьону түмтэ.