Дьокуускайга Матросов аатынан уулусса ууга устан эрэр

Саас буолла даҕаны, Дьокуускай куорат уулуссалара ууга усталлар. Матросов аатынан уулуссаҕа сатыы киһитээҕэр буолуох, массыына да сылдьара уустугурбутун туһунан олохтоохтор суруйаллар.

Биһиги хаһыаппыт саайтыгар икки оҕолоох ийэ Анна В. сибээскэ тахсан  маннык кэпсээтэ:

— Хас күн ахсын уһуйаантан киэһэ оҕону кэлээскэҕэ анньан аҕалар саҕа эрэй суох буолла, суол оҥхой сирдэрэ уунан туолан оннооҕор массыыналар аҥаардарыгар диэри ууну кэһэн нэһиилэ туорууллар. Мааны атах таҥаһа биир күннээх буолар үлүгэрэ. Барыта бырыы да бадараан», — диэн икки оҕолоох ийэ этэр.

Бэлиэтээн суруйдахха, маннык көстүү Аппа Уҥуор оройуоҥҥа бүтүннүүтүгэр көстөр.  Биир кэлим диспиэччэр сулууспатын нөҥүө, ону сэргэ Автодорожнай уокурук управатыгар олохтоохтор күн ахсын сайаапка түһэрэллэр эбит да, билиҥҥитэ ууну оботторуу, кумах кутуу үлэтэ тохтоон турар.