Дьокуускайга «Нэл. Хэлми. Ниңиэмун. Түһүлүк» быыстапка аһылынна

Атырдьах ыйын 1  күнүгэр аан дойду төрүт норуоттарын норуоттар икки  ардыларынааҕы күннэригэр аналлаах «Нэл. Хэлми. Ниңиэмун. Түһүлүк» өрөспүүбүлүкэтээҕи быыстапка арылынна.

Хотугу дойду аҕыйах ахсааннаах төрүт норуоттарын түһүлүктэрин уонна бэриэнньиктэрин быыстапкатыгар элбэх маастар, норуот ускуустубатын сыаналааччылар, төрүт үгэстэри харыстааччылар уонна уопсастыбаннас муһунна.

Быыстапка үөрүүлээх сиэригэр-туомугар ыалдьыттары «Симэх» норуот прикладной ускуустубатын уонна уус-уран оҥоһуктарын национальнай киинин дириэктэрэ  Яна Игнатьева, СӨ Судаарыстыбаннай мунньаҕын (Ил Түмэн) Хотугу сир аҕыйах ахсааннаах төрүт норуоттарын боппуруостарыгар уонна Арктика дьыалаларыгар кэмитиэтин  бэрэссэдээтэлэ Елена Голомарева, СӨ Хотугу сир аҕыйах ахсаааннаах төрүт норуоттарын кэмитиэтин ассоциациятын бэрэсидьиэнэ Константин Роббек уо.д.а. эҕэрдэлээтилэр.

Быыстапкаҕа өрөспүүбүлүкэ 16 улууһуттан уонна Дьокуускай куораттан маастардар 30-тан тахса үлэлэрэ уонна «Симэх» Национальнай киин пуондатыттан анал экспозиция туруорулунна.
Зинаида Никулина, Акулина Трайзе, Анны Мыреева, Анна Едукина, Анны Хабаровская оҥорбут түһүлүктэрэ, ону сэргэ Мииринэй улууһун Сүлдьүкээр сэлиэнньэтин олохтооҕо Наталья Саввинова-Санайа оҕуруоттан оҥоһуктара ураты сыаналаналлар.
Быыстапканы атырдьах ыйын 1-8 күннэригэр көрүөххэ сөп. Ону таһынан быыстапка чэрчитинэн, декоративнай-прикладной ускуустубаҕа маастар-кылаастар, «Актуальные проблемы сохранения и развития традиционной национальной одежды народов Севера: теория и практика» төгүрүк остуол; «Кочевье» бырааһынньыкка дефиле көрдөрүү былаааннаналлар.
Быыстапка Өксөкүлээх Өлөксөй аатынан Норуоттар доҕордоһууларын дьиэтигэр национальнай култуура галереятыгар үлэлиир.

(«Симэх» национальнай киин матырыйаалынан)