Дьокуускайга полиция үлэһиттэрэ суотабайы халаабыт киһини туттулар

ИДьМ Дьокуускайдааҕы 2-с №-дээх полиция отделын дьуһуурунай чааһыгар киин куорат олохтооҕо уоруу тахсыбытын туһунан иһитиннэрбит. Үҥсээччи хас да мүнүүтэ анараа өттүгэр биллибэт киһи кини суотабай төлөпүөнүн аһаҕастык уорбутун туһунан кэпсээбит диэн ИДьМ пресс-сулууспата иһитиннэрэр.

Эмсэҕэлээбит дьахтар күнүс Петр Алексеев аатынан уулуссаҕа турар элбэх кыбартыыралаах дьиэҕэ киирбит. Кини кэнниттэн биллибэт киһи киирэн иһэн, эмискэ илиититтэн суотабай төлөпүөнү былдьаан ылбыт даҕаны, тута куотан хаалбыт.

Халааһын туһунан иһитиннэрии киирээтин кытары тута тас сулууспа үлэһиттэригэр биллэриллибит. Дьокуускайдааҕы полиция ППС туспа батальонун үлэһиттэрэ Стадухин аатынан уулуссатыгар турар биир баарга уорууга уорбаланааччы киһиэхэ маарынныыр киһини көрбүттэр. Кинини тутан баран полиция отделыгар илдьибиттэр. Бу урут уорууга сууттаммыт 41 саастаах киһи буолан тахсыбыт. Бэрэбиэркэ кэмигэр полиция үлэһиттэрэ киниттэн уоруллубут суотабай төлөпүөнү булбуттар.

Уорбаланааччыга РФ Холуобунай кодексатын «Уоруу» 161 ыстатыйатын 1-кы чааһынан холуобунай дьыала тэрилиннэ, кини 4 сылга диэри болдьоххо көҥүлэ быһыллыан сөп.