Дьокуускайга саамай ирдэнэр идэни ааттаатылар

Дьокуускайга саамай ирдэнэр идэнэн суоппар дуоһунаһа буолла. Ортотунан итинник үлэһиттэргэ ыйга 80 000 солк. кэриҥэ хамнаһы этэллэр диэн RabotaYkt сервискэ иһитиннэрдилэр.

Саамай ирдэнэр биэс бастыҥ идэҕэ атыыһыт-консультант (53 000 солк.), администратор (60 000 солк.), асчыт (65 000 солк.) уонна муоста сууйааччы (40 000 солк.) эмиэ киирдилэр.

Дьокуускайга быраастарга саамай элбэх хамнаһы төлүүллэрин туһунан суруйбуттар – кинилэр орто хамнастара 120 000 солк.тиийэр.

Итиэннэ оробуочай идэлэргэ эмиэ наадыйаллар: сыбаарсыктарга, силиэсэрдэргэ уонна мэхээньиктэргэ. Кинилэргэ ортотунан 80 000 солк.кэриҥэ төлүүллэр.