Хаартыска: ulus.media
Бүгүн, олунньу 25 күнүгэр, А.Е.Кулаковскай аатынан Норуоттар доҕордоһууларын дьиэтигэр «Тыл уонна дьыала» норуоттар икки ардыларынааҕы түмсүү былаһааккатын чэрчитинэн, анал байыаннай дьайыыга кыттар Саха сирин казактарын өйөөһүҥҥэ аахсыйа буолла.
Аахсыйаҕа байыастарга гуманитарнай көмөнү оҥорууга араас тэрилтэлэртэн 100-тэн тахса волонтер кыттыыны ылла. Маскировочнай сеткалары, шлемнары уонна харысхаллары оҥордулар, итиэннэ истиҥиһирэх тыллааах суруктары бэлэмнээтилэр. 100-тэн тахса киһи байыаннай дьайыы кыттыылаахтарыгар туох наадалааҕынан хааччыйарга бары кыһамньыларын холбоотулар. Чуолаан, Саха сирин казактарын этэрээттэрэ кытыннылар.
«Биһиги, атын волонтердар ыстаабтарын курдук, байыастар көрдөһүүлэринэн үлэлиибит. Кинилэр биһиэхэ суруйаллар, туохха наадыйалларын этэллэр. Биһиги, оччотугар, барытын оҥоробут. Бу барыта тыас-уус таһаарар, көстө эрэ сатыыр туһугар буолбакка, дойдубут Кыайыытын чугаһататарга уонна көмөлөһөргө сыалланар. Бүгүн биһиги Саха сириттэн казактар этэрээттэригэр көмөлөһөбүт», — диэн Норуоттар доҕордоһууларын дьиэтин ресурснай киинин салайааччыта Екатерина Егорова санаатын үллэһиннэ. Волонтердар түмсүү ыҥырыытынан кытыннылар. Сүрүннээн, бу орто уонна үрдүк үөрэх тэрилтэлэрин ыччата.
Аахсыйа күнүс икки чаастан саҕаланан, баҕалаахтары барыларын биир сиргэ түмтэ. Тэрээһин кэнниттэн, волонтерскай ыстааб салайааччыларыгар Махтал суруктар, итиэннэ кыттааччыларга Туоһу суруктар туттарылыннылар. Ол кэннэ «Казачья душа для всех одна» аһымал кэнсиэр ыытылынна. Кэнсиэргэ киирбит харчыны Саха казактарын этэрээттэригэр ыытыахтара.
Бэҕэһээ “Саха сирэ” саайтка тыатааҕы баахта бөһүөлэктэригэр эҥин киирдэҕинэ, хайдах дьаһанар туһунан сүбэ тахсыбыта. Онно…
Ил Түмэҥҥэ “Оҕо туризмын, сынньалаҥын, доруобуйатын бөҕөргөтүү аныгы туруга уонна сайдыыта” диэн ааттаах “төгүрүк остуол”…
Байыаннай сулууспаҕа талыы кэлим киинигэр хантарааҕынан сулууспалыы барыан баҕалаах дьон доруобуйатын туругун бэрэбиэркэлээһин үлэтэ тупсарыллар.…
Өлүөнэ өрүскэ муус Кангаласс бөһүөлэгин аттынан хамсаата уонна Нам улууһун сиригэр-уотугар чугаһаан эрэр диэн Гражданскай…
Ыксаллаах быһыыны-майгыны сэрэтэр, туоратар хамыыһыйа мунньаҕын түмүгүнэн, вице-премьер Дмитрий Садовников Халыма өрүскэ уу таһыма үрдээн…
Волгоград анныгар Саха сириттэн буойун уҥуоҕун уонна сэдэх түөскэ кэтиллэр бэлиэни буллулар. Волгоградскай уобалас Городищенскай…