Дьокуускайга санитар уол ыарыһахтан 120 000 тыһ.солк. уорбут

Дьокуускай куорат борокуратуурата биир мэдиссиинэ тэрилтэтин санитарын холуобунай дьыалатын суут көрүүтүгэр ыытта.

Дьокуускай куорат борокуратуурата олохтоох киһи холуобунай дьыалатыгар буруйдуур бириигэбэрин бигэргэттэ. Кини РФ ХК 3 ч. 158 ыст. (баан счетуттан харчы уоруу) буруйданар.

Силиэстийэ көрдөрбүтүнэн, 26 саастаах буруйданааччы куорат биир балыыһатыгар санитарынан үлэлии сылдьан, стационарнай эмтэниигэ ыарыһахха бородууктаны уонна табаҕы атыылаһыыга көмөлөһөргө этии көтөхпүт. Ол кэмҥэ баан сыһыарыытыыгар киирэргэ паролун билбит.

Салгыы, хара санаалаах уол эмсэҕэлээбит киһи счетугар харчылааҕын билэн, харчы уорарга санаммыт. Буруйдаах кирэдьиикэ элбэх суумаҕа иэстээх эбит. 2024 сыл атырдьах ыйыгар кини төлөпүөнү харайар камераттан ылбыт уонна бэйэтигэр 120 000 тыһ. солк. сууманы ыыппыт.

Холуобунай дьыала борокуруорунан суут көрүүтүгэр ыытылынна.