Дьокуускайга сокуону кэспит оҕону учуокка ылар салаалар 90 сылларыгар аналлаах ытыыга күрэхтэстилэр

Саха Өрөспүүбүлүкэтин Ис дьыалаларга министиэристибэтигэр сокуону кэспит оҕону учуокка ылар салаалар (ПДН) уонна сокуону кэспит оҕолору кылгас кэмҥэ тутар кииннэр (ЦВСНП) тэриллибиттэрэ 90 сылыгар аналлаах ытыыга күрэхтэһии буолан ааста.

25 миэтэрэттэн ытыыга бэйэлэрин бэргэннэрин холонон, уопсайа 30 иниспиэктэр кытынна. Ол иһигэр, ИДьМ сулууспатын муниципальнай управлениета, Хаҥалас, Нам уонна Горнай улуустарын полицияларын отделлара, ону тэҥэ СӨ ИДьМ сокуону кэспит оҕолору кылгас кэмҥэ тутар киинин (ЦВСНП) үлэһиттэрэ бааллар.

Күрэхтэһии түмүгүнэн  эр дьон ортотугар:

• 1 миэстэ: Айсен Оконешников ( ИДьМ «Дьокуускайдааҕы» МУ 3 №-дээх полициятын отдела);
• 2 миэстэ: Игорь Муртазин (СӨ ИДьМ ЦВСНП-та);
• 3 миэстэ: Денис Ильин (ИДьМ «Дьокуускайдааҕы» МУ 4 №-дээх полициятын отдела).

Дьахталлар ортолоругар:

• 1 миэстэ: Раиса Постникова (ИДьМ «Дьокуускайдааҕы» МУ 1 №-дээх полициятын отдела);
• 2 миэстэ: Мария Шелковникова (Участковайдары уонна ПДН-ы тэрийэр отдел);
• 3 миэстэ: Арина Павлова (ИДьМ Намнааҕы отдела).

СӨ ИДьМ Участковайдары уонна сокуону кэспит оҕону учуокка ылар салаалары тэрийэр отделын начаалынньыга, полиция полковнига Михаил Иванов күрэх кыттыылаахтарын эҕэрдэлээтэ уонна кыайыылаахтарга, бириистээх миэстэлэргэ өйдөбүнньүк мэтээллэри, грамоталары уонна куубактары туттарда. Үөрүүлээх чааһы ис сулууспа майора Юта Стрекаловская салайар «Сулууспа 02» биэдэмистибэ ансаамбылын ырыаһыттара киэргэттилэр, диэн ИДьМ пресс-сулууспата суруйар.