Дьокуускайга Строительнай уокурукка саҥа сылаас тохтобул баар буолла.
Санатан эттэххэ, бары сылаас тохтобулларга монитордар, рециркулятордар, ыскамыайкалар, пандустар бааллар. Маны сэргэ, телефоннарын ииттэрэллэригэр розеткалардаахтар.
Саҥа тохтобулу арыйыы үөрүүлээх бэлиэ түгэнигэр Дьокуускай куорат баһылыга Евгений Григорьев, Дьокуускай куорат Думатын бэрэссэдээтэлэ Альберт Семенов, «Главстрой» МКУ дириэктэрин э.т. Василий Румянцев, «ЯПАК» МУП дириэктэрин э.т. Иннокентий Сергучев, «Союз Авто» НО салайааччыта Андрей Косицкай, Строительнай уокурук управатыттан Владимир Жуковскай, предприниматель Афанасий Ефремов, уопсастыбаннас, Дьокуускай олохтоохторо, ыалдьыттара кытыннылар.
Куорат баһылыга Евгений Григорьев саҥа оптуобустары ылалларын, тохтобуллары тутуу салҕанарын, дьон-сэргэ сылдьарыгар табыгастаах буоларыгар айан-сырыы боппуруоһа быһаарылларын бэлиэтээн эттэ.
«Сылаас тохтобуллар сарсыарда сырыы саҕаланыаҕыттан киэһээ бүтэһик оптуобуска диэри үлэлиэхтээхтэр. Сүүскэ тиийэ тохтобул баар буолуоҕа. Кэлэр сылга үлэ эмиэ салҕаныа. Сорукпут диэн, сыл ахсын уон биэстии аныгы сылаас тохтобулу үлэҕэ киллэрии», — диэтэ Евгений Григорьев.
Дьокуускай куорат Думатын бэрэссэдээтэлэ Альберт Семенов уокурук олохтоохторугар истиҥ эҕэрдэтин тиэртэ.
«Билигин түмсүүлээх буоларбыт олус наада. Куоракка дьон туһугар барыта оҥоһуллар, тупсарыллар. Биһиги, дьокутааттар, куорат олохтоохторугар, ыалдьыттарыгар олох-дьаһах тупсаҕай буоларын оҥорорго, бүддьүөккэ үп көрүллэрин туһугар бары кыһамньыбытын уурабыт», — диэтэ Альберт Семенов уонна саҥа тохтобуллары харыстыырга эттэ.
Уокурук олохтоохторун аатыттан махтал тылы Лена Николаева тиэртэ.
«Лермонтов уонна Свердлов уулуссаларын быһа охсуһууларыгар сылаас тохтобул баар буолбутунан бары олохтоохтору, мэдиссиинэ кэллиэһин устудьуоннарын эҕэрдэлиибин. Строительнай уокурукка 1976 сылтан олоробун. Тутааччыларга, Дьокуускай куорат дьаһалтатыгар олохтоохтор тустарыгар, чуолаан биһиги уокурукпут олохтоохторугар кыһамньыларыгар махтанабын», — диэтэ кини.
Сылаас тохтобуллары «Главстрой» МКУ Дьокуускай куорат дьаһалтата туттарар. Үлэни толорооччу ИП Афанасий Ефремов, Үлэлэтээччи «Дьокуускайдааҕы тырааныспар хампаанньата» МУП.
Дьокуускай куорат дьаһалтатын пресс-сулууспата
Үс сыл аннараа өттүгэр култуура салалтатын, нэһилиэк дьаһалтатын көҕүлээһинэн саҕыллан тахсыбыт "Оһуор үҥкүүтүн уруйдуубут!" тэрээһин…
Норуот суруйааччыта Наталья Михалева-Сайа алгыстаах сааһын «Барыта баар этэ...» диэн ымыылаах ырыа киэһэтинэн бэлиэтээри бэлэмнэнэр.…
Өрөспүүбүлүкэ бары храмнарыгар Пасхатааҕы сулууспалар буоллулар. Бу сырдык бырааһынньыгы көрсө Ил Дархан Айсен Николаев Преображенскай…
Өлүөнэ өрүскэ муус сүрүннээн өрөспүүбүлүкэ иһинэн Ленскэй оройуонунан уонна Иркутскай уобалас Киренскэй уобалаһынан устар. Бүгүн…
Бүгүн, ыам ыйын 5 күнүгэр, Хатаска уонна Дьокуускайга Иван Тихоновы көрдүүр дьон муһуннулар. Сүппүт уолу…
Быйыл кулун тутарга Крым Өрөспүүбүлүкэтэ уонна Севастополь куорат Арассыыйа састаабыгар киирбиттэрэ уон сыла буолбута. Севастополь…