Дьокуускайга суоппар остуолбаны суулларан, олохтоохтору уота суох хааларда
Дьокуускай куорат Марха бөһүөлэгин Футбольнай уулуссатыгар бүгүн «Nissan Diesel2» грузовой массыына тутуу матырыйаалын тиэргэҥҥэ киллэрээри уот остуолбатын үлтү көттө. Ол түмүгэр остуолба суулунна уонна боруобат быһынна, Футбольнай, Молодежнай, Заречнай, Сосновай уонна Речной уулуссалар дьиэлэрэ уота суох хааллылар.
Быһылаан тахсыбытынан, аах оҥоһулунна уонна быраабы араҥаччылыыр уорганнарга биллэрилиннэ диэн Киин уот ситимин пресс-сулууспата иһитиннэрэр. Чөлүгэр түһэрэр үлэлэр ыытыллаллар.
Энэргиэтиктэр суоппардарга сэрэхтээхтик айанныылларыгар уонна уот ситимэ баар сиригэр болҕомтолоох буоларга ыҥырыллар. Итинник саахал тахсар түбэлтэтигэр суоппардар уокка оҕустаран өлүөхтэрин сөп. Онон өссө төгүл ЛЭП лииньийэлэринэн тутууну, үлэни ыыппаттарыгар, тохтобулу оҥорботторугар, оҕо былаһааккатын оҥорботторугар этэллэр.
Сообщить об опечатке
Текст, который будет отправлен нашим редакторам: