Хаартыска: УлусМедиа
Дьокуускай куорат Октябрьскай уокуругар Саха сирин суруналыыстарын уонна суруйааччыларын искибиэрин тутар былаан баар. Бу көҕүлээһини «Саха сирэ» хаһыат бэтэрээннэрэ киллэрдилэр уонна ону «Сахабэчээт» тэрилтэ салалтата күүскэ өйөөтө.
Искибиэр Ленин проспегын 40 уонна 42 №-дээх дьиэлэрин икки ардыгар баар кураанах сиргэ тутуллара былааннанар. Бу сир талыллыбыта мээнэҕэ буолбатах — манна биллиилээх суруналыыс, уопсастыбаннай диэйэтэл Иван Ушницкай олоро сылдьыбыт дьиэтэ баар.
Бу санааны саха бэчээтин бэтэрээннэрэ, биллиилээх суруналыыстар Татьяна Маркова уонна Гаврил Стручков көтөхтүлэр. Кинилэр бэлиэтииллэринэн, Иван Ушницкай тыыннааҕар маннык искибиэр баар буоларыгар олус баҕарара. Ону таһынан бу сир куорат экологиятын тупсарар, дьон мустар күөх зонатынан буолуоҕа.
«Олус үчүгэй көҕүлээһин. Манна биһиги сурунаалыстыкабытын төрүттээччилэрэ — В.В. Никифоров-Күлүмнүүр, П.А. Ойуунускай, А.И. Софронов-Алампа уонна да атын чулуу дьоммут ааттара көмүс буукубанан суруллуохтарын сөп. Суруналыыстар уонна куорат олохтоохторо манна мустан алтыһыахтарын, кэлэр көлүөнэҕэ билиини бэриэхтэрин сөп», — диэн «Сахабэчээт» салайааччыта Ньургуйаана Стручкова этиини күүскэ өйөөтө.
Бырайыак Олохтоох көҕүлээһини өйүүр бырагыраама куонкуруһугар кыттыыны ылыаҕа. Октябрьскай уокурук маннык куонкуруска кыайан, урут Александр Самсонов – Айыы Уолун искибиэрин туппут уопуттаах. Куонкуруһу аастаҕына, тутуу үлэтэ икки түһүмэҕинэн — 2027 уонна 2028 сылларга ыытыллыаҕа диэн УлусМедиа саайта иһитиннэрэр.
Валентина Догоюсова
ИДьМ пресс сулууспата иһитиннэрбитинэн, Дьокуускай куорат 1-кы №-дээх полиция отделыгар куорат олохтооҕо дьахтартан үҥсүү киирбит.…
РФ Бэрэсидьиэнэ Владимир Путин көҕүлүүр “Дьиэ кэргэн” национальнай бырайыагын чэрчитинэн ыытыллар үлэ сүрүн соруктарыттан биирдэстэринэн…
Саха сирин биллиилээх судаарыстыбаннай уонна уопсастыбаннай диэйэтэлэ, Саха АССР Үрдүкү Сэбиэтин ХII ыҥырыытын норуодунай дьокутаата,…
Дьокуускай куорат 2-с №-дээх полициятын отделыгар олохтоох киһи дьиэтиттэн 50 тыһыынча солкуобайын уордарбытын туһунан үҥсүү…
Арассыыйаҕа чэпчэтиилээх автокирэдьиит бырагыраамата ахсынньы 1 күнүттэн саҥаттан үлэтин саҕалыаҕа. Бу туһунан РИА Новости ааҕыныстыбаҕа…
Арассыыйа үрдүнэн 14-тэн 22-гэр диэри саастаах оскуола үөрэнээччилэригэр уонна устудьуоннарга аналлаах «Наука. Территория героев» куонкурус…