«Наука. Территория героев» куонкурус сэттис сезона саҕаланна

Арассыыйа үрдүнэн 14-тэн 22-гэр диэри саастаах оскуола үөрэнээччилэригэр уонна устудьуоннарга аналлаах «Наука. Территория героев» куонкурус саҥа сезона саҕаланна.

Бу бырайыак ыччаты наукаҕа угуйар сыаллаах уонна Арассыыйа Национальнай бырайыактарын өйөбүлүнэн ыытыллар.

Кыайыылаахтарга туох бэриллэрий?

• Арассыыйа бастыҥ үөрэх кыһаларыгар (МГТУ им. Н.Э. Баумана, МИСИС, РУДН, Томскайдааҕы политех, Пермьнээҕи политех) киирэргэ эбии бааллар;
• Арассыыйа бөдөҥ научнай кииннэригэр босхо айан;
• «Билайн» хампаанньаттан харчынан граннар.

Саҥа сезоҥҥа кыттааччылары икки сүрүн хайысха күүтэр:

1. Химия уонна биология («Биохимия открытий»);
2. Физика уонна математика («Энергия чисел»). Оҕолор ууну, буору, айылҕа бырасыастарын, килиимэти  уонна энергия төрүөттэрин чинчийиэхтэрэ.

Куонкуруска Герои.наука.рф саайтка киирэн бэлиэтэниэххэ сөп. Саайтка нэдиэлэ аайы саҥа сорудахтар  тахсан иһэллэр. Финал эһиил олунньуга буолуоҕа.

Арассыыйа Бырабыыталыстыбатын бэрэссэдээтэлин солбуйааччы Дмитрий Чернышенко бэлиэтииринэн, куонкурус 6 сыл иһигэр 117 тыһыынчаттан тахса оҕону түмтэ. Ааспыт сезоҥҥа эрэ 27 тыһыынча ыччат кыттыбыт.

Сиһилии: https://www.sakha.gov.ru/news/68183