Дьокуускайга туризм эйгэтигэр үлэлиир дьоҥҥо анаан пуорум буолуоҕа

Быйыл иккис сылын Саха сирин урбаанньыттарыгар анаан Арассыыйатааҕы предпринимательство күнүн көрсө туристическай слет ыытыллар.

Бу тэрээһиҥҥэ туризм уонна ыалдьытымсах буолуу эйгэ бэрэстэбиитэллэрэ кытталлар. Туризм салаатын үлэһиттэрин түмэр тэрээһини СӨ Предпринимательство, эргиэн уонна туризм министиэристибэтин иһинэн үлэлиир туризм уонна территориальнай маркетинг ааҕыныстыбата, “Мин биисинэһим” киин  тэрийэллэр.

Пуорум бырагырааматыгар Саха сиригэр туризмы уонна ыалдьытымсах буолууну сайыннарыыга туһуламмыт дьыалабыай кэпсэтии, маастар-кылаас, тренинг, күрэхтэһии, куонкурус ыытыллара  былааннанар. Тэрээһин кыттыылаахтара «Северная мозаика» туристскай-рекреационнай кластерга уопуттарын атастаһыахтара, биир толкуйдаах дьону кытта бииргэ үлэлээһин сибээстэрин тобулуохтара.  Пуоруму тэрийээччилэр туристскай эбийиэктэр салайааччыларын, туризм салаатыгар үлэлиир урбаанньыт-оператордары, айанньыт-блогердары уонна Саха сиригэр туризм сайдыытыгар сыһыаннаах дьону кыттарга ыҥыраллар.  Тэрээһиҥҥэ кыттыы —  босхо.

Туризм эйгэтин үлэһиттэрин пуорума б.дь. ыам ыйын 31 күнүгэр  Табаҕа тумулугар  «Северная мозаика » ТРК буолар.  Сайаапкалары б.дь. ыам ыйын 22 күнүгэр диэри ылаллар.

Тэрээһин туһунан бу сылканан билсиэххэ сөп: https://visit-yakutia.com/programma-tursleta-dlya-predstavitelej-sfery-tu