Дьокуускайга Тымныы оҕонньор маршрутнай оптуобуһу ыытар
24.12.2024, 18:00
Хаартыска: Мария Сергеева
Бөлөххө киир:
Дьокуускайга 19 №-дээх оптуобуска пассажирдар кэнники күннэргэ үтүө санаалаах Тымныы оҕонньор уруулга олорорун элбэхтик көрөллөр.
Кинилэр бырааһынньыктааҕы оптуобуска үөрүүнэн олорсоллор, Тымныы оҕонньору кытта селфи түһэллэр, илии тутуһаллар, ону ааһа баран үрүҥ куултан минньигэс кэмпиэттэри ылыахтарын сөп. Бу туһунан Rg.ru суруйар.
Роберт Саакян хас сыл ахсын дьиэ кэргэнигэр бэйэтин элбэх сиэннэрин үөрдээри-көтүтээри Тымныы оҕонньор мааскатын таҥнар эбит. Бу сырыыга кинилэри кытары көрсүһэрэ сатамматах, онон эр киһи Дьокуускай олохтоохторугар санааларын көтөҕөргө быһаарыммыт.
Билигин куоракка үгүс суоппардар сыл бэлиэнэн, мишуранан уонна гирляндияларынан оптуобустарын киэргэтэллэр. Кинилэртэн сорохторо Санта-Клаус кыһыл халпаактарын кэтэллэр, ол эрээри Роберт толору симэнэн айанныыр. Арай атаҕар хаатыҥката суох. Массыына педалларын үктүүргэ табыгаһа суох быһыылаах. Роберт Саха сиригэр 25 сыл устата олорор, үс оҕолоох, уон сиэннээх. Кини уһун сыллар устата Саха сирин тыйыс килиимэтигэр үөрэммит, онон тымныыттан дьиксиммэт. Пассажирдар олус астыналлар.
+1
3
+1
+1
+1
+1
+1
+1
1
Сообщить об опечатке
Текст, который будет отправлен нашим редакторам: