Дьокуускайга успуорт бэстибээлэ түмүктэннэ

Кулун тутар 29 күнүгэр Дьокуускайга Кыайыы 80 сылын көрсө уонна дойдуга Аҕа дойдуну көмүскээччи, өрөспүүбүлүкэҕэ Ийэ дойдуну көмүскээччи сылынан успуорт бэстибээлин иккис түһүмэҕэ буолла.

Физическай култуура уонна успуорт управлениета Автодорожнай уонна Гагаринскай уокуруктары кытта кыттыгас күрэхтэһиини «Кыайыы 50 сыла» успуорт дабырыаһыгар ыыттылар. Ол курдук, кыттааччылар «Ийэм, аҕам уонна мин — спортивнай дьиэ кэргэн», хабылык, хаамыска, дартс, пневматическай бинтиэпкэнэн буулдьанан ытыы уонна волейбол көрүҥнэригэр күрэхтэстилэр, бары хамаандалар көхтөөхтүк кытыннылар. Бэлиэтээн суруйдахха, кулун тутар 25 күнүгэр дуобат уонна саахымат көрүҥнэригэр күрэхтэспиттэрэ.

Бары көрүҥнэргэ күрэхтэһии түмүүгүнэн, успуорт бэстибээлигэр үһүс миэстэни Гагаринскай уокурук, иккис миэстэ Губинскай уокурук уонна кыайыылааҕынан Автодорожнай уокурук таҕыстылар.