Хаартыска sakha.gov.ru ылылынна
Дьокуускай куорат 77 түөлбэтигэр элбэх хайысхалаах успуорт саалатын, «Звезднай» микрооройуоҥҥа сабыылаах катогу тутуу үлэтэ кыраапык быһыытынан баран иһэр.
Тутуу хаамыытын ахсынньы 2 күнүгэр, СӨ Бырабыыталыстыбатын бэрэссэдээтэлин солбуйааччы Сергей Местников бэрэбиэркэлээтэ. Бэлиэтээн эттэххэ, Ил Дархан Айсен Николаев успуордунан дьон-сэргэ дьарыктанарыгар анаммыт тутууларга кыраапыктан хаалыы суох буолуохтааҕар уонна эбийиэктэр болдьоммут кэмнэригэр үлэҕэ киллэриллиэхтээхтэригэр сыал-сорук туруорбута.
Ол курдук, «Звезднайга» сабыылаах катогу 2024 сыл бүтүүтүгэр үлэҕэ киллэрэр былааннаахтар. Бу «Демография» национальнай бырайыак «Успуорт — олох нуормата» федеральнай бырайыагын чэрчитинэн тутуллар.
Биэс тыһ. тахса кв.м. иэннээх икки мэндиэмэннээх дьиэҕэ хоккейдыыр корт, спортивнай саала, сынньанар анал блок, административнай корпус, быраас хоһо, процедурнай, эрчиллэр саала баар буолаллар.
Манна симиэнэҕэ 50 киһи сылдьыан, 210 көрөөччү киириэн сөп.
Билиҥҥи туругунан быйылгы сылга былааннаммыт үлэлэр түмүктэммиттэр. Эбийиэк бэлэмэ — 30%. Халлаан сылыйыыта үлэ салҕаныа.
Оттон Ильменскай уулуссаҕа тутулла турар успуорт комплексын кэлэр сылга ыам ыйын 31 күнүгэр диэри тутан бүтэриэхтээхтэр. Бу Дьокуускайга ыытыллар «Азия оҕолоро» норуоттар икки ардыларынааҕы VIII спортивнай оонньуулар ыытыллыахтаах 16 сирдэриттэн биирдэстэринэн буолар. Манна волейболга күрэхтэһиилэр ыытыллыахтара.
2,8 тыһ. кв.м. тахса иэннээх икки мэндиэмэннээх комплекска 400 миэстэлээх тырыбыналаах саала, художественнай гимнастиканан уонна буоксанан дьарыктанар саалалар бааллар.
Билиҥҥи туругунан ис өттүгэр үлэ ыытыллар. Уопсайа 22 киһи үлэлии сылдьар. Эбийиэк бэлэмэ — 50 %.
Бу «Саха Өрөспүүбүлүкэтигэр физическэй култуураны уонна успуорду сайыннарыы» судаарыстыбаннай бырагыраама, «Комплексное развитие социальной инфраструктуры ГО «город Якутск» на 2017-2032 годы» муниципальнай бырагыраама иитинэн тутуллар.
Түмүккэ Сергей Местников үөскүү сылдьыбыт кыһалҕалар быһаарыллыбыттарын, үлэ былаанынан салҕанан иһэрин бэлиэтээтэ уонна тутуу тэтимин ыһыктыбаттарыгар соруйда.
Санатан эттэххэ, өрөспүүбүлүкэ киинигэр 2030 сылга диэри успуорт уон эбийиэгэ тутуллуо. Куорат олохтоохторо уонна ыалдьыттара успуорт эбийиэгэр сылдьар кыахтаналларын уонна физкултууранан, успуордунан тиһиктээхтик дьарыктаналларын туһугар Ил Дархан Айсен Николаев улахан болҕомтотун уурар.
Сиһилии манна https://www.sakha.gov.ru/news/front/view/id/3379749 көрүҥ.
#нацпроект
СӨ Ил Дарханын уонна Бырабыыталыстыбатын пресс-сулууспата
Ааспыт сууккаҕа Саха сиригэр 8 буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
От ыйын 4-5 күннэригэр Нерюнгри оройуонугар аан бастаан өрөспүүбүлүкэтээҕи Олоҥхо Ыһыаҕа ыытыллар. Бүгүн, от ыйын…
Бүгүн, от ыйын 3 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бүгүн, от ыйын 3 күнүгэр, өрөспүүбүлүкэ арҕаа, соҕуруу, хотугулуу-илин өттүгэр кыралаан ардыаҕа. Ленскэйгэ, Мииринэйгэ,…
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…