Өлүөнэ өрүскэ муус уста турарынан сибээстээн, Дьокуускай куоракка иһэр, туттар уубут хаачыстыбата хайдаҕый? Бэрэбиэркэ, чинчийии ыытыллар дуо?
Ыам ыйын 16 күнүгэр ыытыллыбыт чинчийии түмүгүнэн, ыраастаммыт тымныы уу хаачыстыбата «СанПиН» нуорматыгар эппиэттиир диэн «Водоканал» АУо иһитиннэрэр.
Өлүөнэ өрүстэн ууну ылан чинчийбиттэригэр:
Өҥө-дьүһүнэ – 121,7 град;
Болоорхойо – 12,29 мг/дм3;
Тимирэ — 1,23 мг/дм3.
Онтон бу уу ыстаансыйаҕа (1-кы водоузел) ыраастаммытын кэнниттэн:
Өҥө-дьүһүнэ – 7,2 град;
Болоорхойо – 0,05 мг/дм3;
Тимирэ — 0,05 мг/дм3.
Оттон иһэр ууга «СанПиН» ирдэбилигэр муҥутуур көрдөрүү маннык:
Өҥө-дьүһүнэ – 20 град.;
Болоорхойо – 1,5 мг/дм3;
Тимирэ — 0,3 мг/дм3.
Бу көрдөрүүлэртэн үрдүө суохтаах.
«Водоканал» АУо санатарынан, кинилэр тымныы уунан хааччыйыы балансовай эппиэтинэһин кыраныыссатыгар эрэ диэри уу хаачыстыбатыгар эппиэтинэһи сүгэллэр, ол эбэтэр, улахан магистральнай турбаларга. Оттон кыбаартал уонна дьиэ иһинээҕи турбаларга салайар хампаанньалар уонна тустаах хааччыйар тэрилтэлэр эппиэтинэстээхтэр.
Урут көмүөл саҕана кыраантан хойуу чэй курдук өҥнөөх уу түһэрин өйдүүргүт буолуо. Иһиэхтээҕэр буолуох, суунарга, таҥас сууйарга да табыгаһа суох этэ. Билигин уу дьэҥкир. Ууну ыраастыырга хлорун элбэтэллэр, онон ууну туруора түһэн баран, туттар ордук.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…