Дьокуускайга үөрэнээччилэргэ «Спортивные якутяне» спартакиада финала ыытыллыаҕа

Бэс ыйын 4-8 күннэригэр Дьокуускайга Саха сирин эдэр атлеттарыгар биир саамай улахан успуорт тэрээһинэ — «Спортивные якутяне» өрөспүүбүлүкэ үөрэнээччилэрин спартакиадатын түһүмэҕин финала ыытыллыаҕа.

Бу туһунан СИА суруйар. Күрэхтэһиигэ тыһыынчаттан тахса эдэр спортсмен түмсүөҕэ. Быйыл 1154 оскуола үөрэнээччитэ 30 муниципальнай тэриллиилэр хамаандаларыттан, Дьокуускайы уонна Жатайы киллэрэн туран, кыттыыны ылыахтара. Ордук Арктика оройуоннарыттан 80 спортсмен кыттара ураты бэлиэнэн буолуоҕа.

Тэрээһини ыытыыга эдэр атлеттары өйүүргэ 286 хамаанда бэрэстэбиитэлэ, 102 судьуйа уонна 35 волонтер кыттыахтара.

Күрэхтэһиилэр биэс успуорт көрүҥүнэн буолаллар:

• Бокс — «Триумф» успуорт киинэ (бэс ыйын 4–8 кк.);
• Волейбол — «50 лет Победы» успуорт дыбарыаһа (бэс ыйын 4–5 кк.), «Стерх» 6№-дээх ДЮСШ (бэс ыйын 6 к.);
• Көҥүл тустуу — ИФКиС Тустуу саалата (бэс ыйын 6–7 уу.);
• Чэпчэки атлетика — «Туймаада» стадион (бэс ыйын 6–7 кк.);
• Мас-рестлинг — В. Манчаары успуорт киинэ (бэс ыйын 6–7 кк.).

Тэрийээччилэр этэллэринэн, успуорт көрүҥнэрэ хас биирдии кыттааччылартан ураты дьиссипилиинэни, кыайыыга дьулууру уонна тулууру эрэйэр. Спартакиада кыайыылаахтары быһаарар эрэ буолбакка, Саха сирин оҕолоругар уонна ыччатыгар доҕордоһууну бөҕөргөтүү былаһааккатынан буолуоҕа.

Спартакиада үс түһүмэҕинэн ыытыллар:

• I түһүмэх (оскуолаларынан) – оскуолаларынан тохсунньу 31 күнүгэр диэри;
• II түһүмэх (муниципальнай тэриллилэринэн) — муниципальнай тэриллиилэринэн уонна куорат уокуруктарынан ыам ыйын 20 күнүгэр диэри;
• III түһүмэх (өрөспүүбүлүкэтээҕи) – финал түһүмэҕэ Дьокуускай куоракка бэс ыйын 4-8 кк.