Дьокуускайтан оройуоҥҥа барар оптуобустары тымныыттан тохтоттулар

Бэнидиэнньиккэ, тохсунньу 12 күнүгэр, Дьокуускайтан оройуоннарга сылдьар муниципалитеттар икки ардыларынааҕы оптуобустары тохтоттулар. Бу туһунан Саха сиринээҕи Тырааныспар министиэристибэтэ иһитиннэрэр.

“Салгын температурата намыһаҕыттан Горнай, Нам, Хаҥалас уонна Чурапчы улуустарыгар сылдьар оптуобус рейстэрэ толоруллуохтара суоҕа. Тиэйээччилэр маннык быһаарыныыны пассажирдарга уонна суоппардарга куттал суох буолуутун хааччыйар туһуттан ылыннылар”, — диэн эттилэр.

Тымныыттан сылтаан оптуобустар сырыылара тохсунньу 10 күнүттэн тохтотуллубута. “Тымныы күн-дьыл тырааныспарга тэхиньиичэскэй кыһалҕалары үөскэтэр, саахал тахсарын үрдэтэр”, — диэн тустаах министиэристибэ бэлиэтиир.

Ыйытар төлөпүөннэр:

МУП “ЯПАК” диспетчерскэйэ: 8 (4112) 357-711;

Дьокуускай к. автовокзала: 8 (4112) 355-355.