Бэҕэһээ, балаҕан ыйын 28 күнүгэр, Донецкай, Луганскай Народнай Өрөспүүбүлүкэлэр, Херсон, Запорожье уобаластарын салалталара Москваҕа РФ бэрэсидьиэнигэр Владимир Путиҥҥа референдум түмүгүнэн оҥоһуллубут докумуоннарын туттара кэллилэр.
Херсон уобалаһын байыаннай-гражданскай дьаһалтатын баһылыгын солбуйааччы Кирилл Стремоусов “Телеграм” ханаалыгар суруйбутунан, бэҕэһээ киэһэ Москваҕа бу түөрт эрэгийиэн салайааччылара көтөн кэлбиттэр.
– Херсон, Запорожье уобаластара, Донецкай, Луганскай Народнай Өрөспүүбүлүкэлэр историческай суолталаах быһаарыныыны ылына Москваҕа көтөн кэллилэр. Сөмөлүөт этэҥҥэ Арассыыйа киин куоратыгар түстэ. Сотору кэминэн биһиги Арассыыйа субъектара буолуохпут, саҥа олох, саҥа история биһигини күүтэр, – диэн иһитиннэрэр кини.
Санатан эттэххэ, бу түөрт эрэгийиэннэр балаҕан ыйын 23-27 күннэригэр референдум ыытан, Арассыыйа састаабыгар киириэхтэрин баҕаралларын бигэргэппиттэрэ. Нэһилиэнньэ 90-тан тахса бырыһыана куоластаабыта.
Хаартыска Кирилл Стремоусов «Телеграм» ханаалыттан туһанылынна
Бырагыраама уопсастыбаннай сэбиэтин чилиэнэ, "Сахатранснефтегаз" АУо генеральнай дириэктэрэ Алексей Колодезников "Саха сирэ -- дьоруойдар дойдулара"…
АЛРОСА Экологияҕа киинэ “Живые алмазы Якутии” паарканы тупсаран оҥорон эрэгийиэннээҕи бырайыактар граннарын куонкуруһа саҕаламмытын иһитиннэрэр.…
Саха сиригэр пилота суох, тепловизордаах 35 аппараат көмөтүнэн ойууру кэтээн көрүүнү күүһүрдэллэр. Саха сиригэр ойууру кэтээн көрөргө…
Арҕааҥҥылар Украинаҕа быһаччы көмөлөһөр эбит буоллахтарына, биһиэхэ да син илии уунар ыаллыы дойдулаахпыт.
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…