Бүгүн, сэтинньи 10 күнүгэр, “Россия24” ханаалыгар “Быһа кэпсэтии” биэриигэ Ил Дархан Айсен Николаев өрөспүүбүлүкэ экэнэмиичэскэй-социальнай балаһыанньатын туһунан кэпсээтэ, дьон ыйытыытыгар хоруйдаата.
Ыытааччы “Анал байыаннай дьайыы кыттыылаахтарыгар уонна кинилэр дьиэ кэргэттэригэр туох көмө оҥоһулларый, онуоха былаас уорганнара хайдах үлэлииллэрий?” диэн ыйытыытыгар маннык хоруйдаата:
— Хас биирдии анал байыаннай эпэрээссийэ кыттыылааҕын дьиэ кэргэнэ болҕомто таһыгар хаалбатын туһугар, сорудах биэрбитим. Ол чэрчитинэн, испииһэктэр оҥоһуллубуттара, бары улуустарга социальнай ситимҥэ бөлөхтөр тэрилиннилэр. Бу бөлөхтөргө анал байыаннай дьайыы кыттыылаахтарын дьиэ кэргэттэрэ, тустаах салайааччылар, ону тэҥэ, улуус баһылыга киирэллэр. Үөскүүр боппуруостары тута миэстэтигэр быһаараллар. Улуус таһымыгар быһаарыллыбат боппуруос буоллаҕына, өрөспүүбүлүкэҕэ Сүрүннүүр кииҥҥэ ыыталлар.
Бу курдук, 600-тэн тахса боппуруос киирбититтэн, аҥаара быһаарылынна. Холобур, маннык боппуруостар киирэллэр. Биир уол бааһыран, Ростов куоракка госпитальга эмтэнэ сытан, пааспарын сүтэрбит. Суһал ыстаап ИДьМ, миграционнай сулууспаны кытары сибээстэһэн, онно баар үлэһиттэр госпитальга бара сылдьыбыттара. Аны ол кэмҥэ уолу Владивостокка ыытан кэбиспиттэр. Владивосток сулууспаларын кытары үлэлэһэн, уолга пааспарын оҥорторбуппут. Бу маннык үлэ тиһигин быспакка ыытылла турар.
Москваҕа улахан кээмэйдээх үлэ ыытылла турар. Илиҥҥи байыаннай уокурук салалтатын кытары сибээстэһэ турабыт, туох наадатынан, сайаапка киирдэҕинэ, баһыылкалары ыытабыт. Байыаннай массыыналартан саҕалаан, анал таҥаска-сапка тиийэ атыылаһан ыытабыт. Маныаха Саха сирин тэрилтэлэрэ оҥорон таһаарыыны сайыннаран, көмөҕө кыттыһар буолбуттара үөрдэр.
Байыаннай сулууспалаахтарга туох кыалларынан көмө оҥоһуллар. Улуустарга, өрөспүүбүлүкэ таһынааҕы куораттарга да биир дойдулаахтарбыт туора турбакка, көмөлөһө сылдьаллар, — диэн Айсен Николаев кэпсээтэ.
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…
Күн бүгүҥҥүттэн үлэ күнүн кыраапыгын оҥоһуу өй (ИИ) былаанныан сөп. Үлэ эйгэтэ олус түргэнник уларыйан,…
Дьокуускай киинигэр Киров уулуссаҕа баар түүҥҥү аралдьытар тэрилтэ аттыгар түөрт киһи икки уолу кырбаабыттар. Бэрэбиэркэ…