Бу күннэргэ Кэбээйи улууһун Мукучутааҕы кулууп-дьиэтэ тутуллан үлэҕэ киирбитэ 50 сылын бэлиэтиир үөрүүлээх күнэ буолла. Биэс уон сыл устата үгүс үлэһит дьон кэлэн аастаҕа, кинилэр истэригэр биһиги эмиэ киирсэн, оччотооҕу кэми санаан аастыбыт.
Биһиги Мукучу сиригэр 1984-1990 сылларга үлэлээбиппит. Ити саҕана дойдуга улахан уларыйыылар тахсыбыт кэмнэрэ этэ, онон олоххо бары өттүнэн ирдэбил уларыйбыта, сытыырхайбыта. Бастатан туран култуура сырдатар үлэтэ кэҥээбитэ. Мукучу кулууба сэттэ кулуубу кииннээн түмэрэ, бу киэн хабааннаах үлэ этэ. Сыл аайы үлэ түмүгүнэн, бастыҥ үлэлээх кулууп аатын ыламмыт оройуоҥҥа, өрөспүүбүлүкэҕэ ааппыт ааттанара. Өрөспүүбүлүкэҕэ биэс сыл устата бастыҥ үлэлээх кулууп аатын ыһыктыбакка тутаммыт кэлбиппит. Оччолорго Евдокия Ивановна Павлова, Олег Васильевич агитбиригээдэ тэрээһинигэр сүрүн исписэлиис быһыытынан таһаарыылаахтык үлэлээбиттэрэ, суоппарынан Петр Жирков үлэлээбитэ. Массыыналаах буолан нэһилиэги хабан үлэлииргэ чэпчэки этэ, графигынан ырааҕынан-чугаһынан көмө оҥорон кэлэллэрэ. От үлэтин саҕана үлэ үксүүрэ…
Үбүлүөй үгүс интэриэһинэй тэрээһиннэриттэн сөпкө тыынан оһуохайы таһаарарга, тойугу туойарга анаммыт маастар-кылааһы бэлиэтиэм этэ. Маастар-кылааһы Дьокуускай куоракка “Арчы” духуобунай киинин иһинэн үлэлиир “Күн дьоно” этнофольклор бөлөҕүн салайааччы Евдокия Павлова-Кылыһах Далбар ыҥырыллан кэлэн ыытта.
Биир бэйэм дьиҥнээх оһуохайдьыты кытары оһуохайдаан, киһи олох сылайбат эбит дии санаатым. Оһуохайдьыт үчүгэй энергиятын иҥэриннибит. Евдокия Ивановна саха духуобунаһын туһугар айымньылаахтык үлэлии сылдьаргын көрөн үөрдүбүт.
(1984-1990 сылларга үлэлээбиттэр)
Амма улууһун Болугур нэһилиэгэр Улуу Кыайыы күнүнэн сэлэлээн хаамтылар. Кыайыы күнүн туһунан нэһилиэк баһылыгын солбуйааччы…
ЫТЫКТАБЫЛЛААХ САХА СИРИН ОЛОХТООХТОРО! Саха Өрөспүүбүлүкэтин салалтатын уонна тус бэйэм ааппыттан Улуу Кыайыы күнүнэн эҕэрдэлиибин!…
Бүгүн, ыам ыйын 9 күнүгэр, өрөспүүбүлүкэ хоту, хотугулуу-арҕаа өттүгэр хаар, соҕуруу, соҕуруулуу-илин, киин оройуоннарга инчэҕэй…
Бу видеоҕа үөр табалар улахан айан суолун туораан, субуһан эрэллэрэ көстөр. Эчи элбэхтэрин, көрөргө бэртээхэй…
Улуу Кыайыы күнүн көрсө, ыам ыйын 8 күнүгэр, Ил Дархан Айсен Николаев «Бэс Чагда» санаторий…
Саха сиригэр Баатаҕай кратера ууллан, кэнники өссө эбии улааппытын бэлиэтээтилэр. Ол курдук, өрөспүүбүлүкэҕэ ирбэт тоҥ…