Хаартыска: Ил Дархан пресс-сулууспата
СӨ Доруобуйа харыстабылын министиэристибэтэ уонна “Дойдуну көмүскээччилэр” судаарыстыбаннай пуонда салаата байыаннай эпэрээссийэ кыттыылаахтарыгар уонна кинилэр дьиэ кэргэттэригэр мэдиссиинискэй көмөнү оҥорууга хардарыта бииргэ үлэлиир туһунан сөбүлэһии түһэристилэр.
«Бу сөбүлэһии быһыытынан, ыарыыны быһаарар, балыыһаҕа киллэрэн уонна таһыттан эмтиир мэдиссиинэ элбэх хайысхалаах кииннэрэ быһаарылыннылар. Наада буоллаҕына, биир идэлээхтэрбит санаторийга-курортка эмтэнэ ыытыахтара”, — диэн СӨ доруобуйа харыстабылыгар миниистирэ Лена Афанасьева брифиҥҥэ иһитиннэрдэ.
Миниистир иһитиннэрбитинэн, билигин Соҕуруу федеральнай уокурукка Ростовтааҕы байыаннай госпитальга Саха сирин быраастарын биригээдэтэ үлэлиир. Биригээдэни Хаҥалас улууһун киин балыыһатын кылаабынай бырааһа Артур Протодьяконов салайар.
Биригээдэҕэ хирурдар, травматолог-ортопедтар, анестезиолог-реаниматологтар үлэлииллэр. Маннык үлэ Ил Дархан Айсен Николаев сорудаҕынан 2022 сыл сэтинньититтэн саҕаламмыта. Үлэ хайыы үйэ Уһук Илиҥҥи федеральнай уокурукка эмиэ тиһиктээхтик ыытыллар.
Лена Афанасьева эппитинэн, байыаннай дьайыы кыттыылаахтарын уонна кинилэр дьиэ кэргэттэрин мэдиссиинискэй хааччыйыы, көрүү-истии тустаах маршрутизация быһыытынан оҥоһуллар.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …