Доруобуйа харыстабылын улахан эбийиэктэрэ тутуллаллар
![](https://sakha-sire.ru/wp-content/uploads/2024/07/zdravoohranenie-rsya-850x596.jpeg)
«Доруобуйа харыстабыла» национальнай бырайыак иитинэн өрөспүүбүлүкэбит сиригэр-уотугар кэскиллээх тутуулар тиһиктээхтик салҕаналлар. Ол курдук быйыл, 2024 сылга, бөдөҥ эбийиэктэри тутуу уонна бырайыактааһын салҕанар.
Ол курдук, ыам ыйыгар Уус Маайа бөһүөлэгэр балыыһа комплекса арыллыбыта. Бу улууска биир улахан эбийиэгинэн буолар. Уопсайа алта тыһ. кв.м. иэннээх дьиэҕэ отделение барыта киирбит.
Билигин Сунтаар улууһугар Элгээйигэ амбулатория тутулла турар. Кэлэр 2025 сылга 8 улахан эбийиэк үлэҕэ киириэхтээх. Бу Амма сэлиэнньэтигэр уонна Кэбээйи улууһугар Сангаарга поликлиника, Мэҥэ Хаҥаласка Майаҕа балыыһа комплекса, Аллараа Бэстээххэ учаастактааҕы балыыһа, Бүлүү уонна Ньурба куораттарыгар, Намҥа уонна Үөһээ Бүлүүгэ Андреевскайга эмтиир куорпустар.
«Хапытаалынай өрөмүөн 11 эбийиэккэ ыытыллар. Итинтэн тоҕуһугар үлэ быйыл түмүктэниэхтээх. Улахан эбийиэктэри сэргэ, өссө тыа сирдэригэр биэлсэр-акушер пууннара, амбулаториялар эмиэ тутуллаллар«, — диэн иһитиннэрэр СӨ доруобуйа харыстабылын миниистирин бастакы солбуйааччы Дмитрий Сергин.
Сообщить об опечатке
Текст, который будет отправлен нашим редакторам: