Доруобуйаларын көрдөрөллөрүгэр, чөлгө түһэллэригэр көмөлөһөллөр

Доруобуйаларын көрдөрөллөрүгэр, чөлгө түһэллэригэр көмөлөһөллөр

Ааптар:
11.05.2023, 19:45
Хаартыска sakha.gov.ru ылылынна
Бөлөххө киир:

Сыл саҕаланыаҕыттан эрэгийиэннээҕи 122 «быһа лиинийэҕэ» 15,4 төлөпүөннээбиттэр.  Ааспыт нэдиэлэҕэ уоппуска, байыаннай сулууспалаахтар дьиэ кэргэннэригэр өйөбүл миэрэлэр, доруобуйаны чөлгө түһэрии туһунан ордук токкоолоспуттар.

Бу туһунан брифиҥҥэ 122 «быһа лиинийэни» салайар Мария Винокурова иһитиннэрдэ.

«Байыаннай дьайыы кыттыылаахтара уонна кинилэр дьиэ кэргэннэрэ мэдиссиинискэй реабилитацияҕа суруйтарарга олорор аадырыстарынан поликлиникаларыгар пациеннары арыаллыыр сулууспаҕа, ол иһигэр ЦРБ поликлиникатыгар кэлиэхтэрин сөп. Эһигини ол күн быраас көрөн направление суруйар. Чөлгө түһэрэргэ Дьокуускай к. өрөспүүбүлүкэтээҕи реабилитациялыыр уонна спортивнай мэдиссиинэ киинэ (Чайковскай уул. 117/2), «Абалаах отделениета» филиал (Аллараа Бэстээх), Өрөспүүбүлүкэтээҕи 1 №-дээх балыыһа — Мэдиссиинэ национальнай киинэ (Сэргэлээх суолун 4) үлэлэһэллэр. Маны сэргэ, 1 №-дээх поликлиникаҕа 422 хоско сурутуута суох тиийэн, инбэлииттэри реабилитациялыыр социальнай-чэбдигирдэр кииҥҥэ направление ылыахха сөп (Рихард Зорге уул. 8)«, — диэн иһитиннэрэр Мария Винокурова.

Доруобуйаларын сиһилии бэрэбиэркэлэтэллэригэр, госпитальга киирэргэ, санаторнай-курортнай эмтэниигэ 122 (эбии 4) «быһа лиинийэҕэ» эрийэн сурутуохха сөп.

«Уоппускаҕа сылдьар байыаннай сулууспалаах 1 №-дээх поликлиникаҕа тиийбитигэр, тута, өрөспүүбүлүкэтээҕи реабилитациялыыр уонна спортивнай мэдиссиинэ киинигэр ыыппыттара. Кини билигин онно эмтэнэр. Өрөспүүбүлүкэтээҕи 1 №-дээх балыыһаҕа оройуоннааҕы киин балыыһа направлениетынан  байыаннай сулууспалаах киирбитэ. Кини икки нэдиэлэ устатыгар доруобуйатын чэбдигирдиммитэ«, — диир кини.

Байыаннай сулууспалаахтары уонна кинилэр дьиэ кэргэннэрин өйүүр миэрэлэр тустарынан сиһилии мантан билиэххэ сөп:

  1. 122 хонугу эргиччи үлэлиир лиинийэҕэ эбии 3 уонна 4  төлөпүөннээн (атын эрэгийиэннэргэ 8(4112)510-122).
  2. info.sakha.gov.ru киирэн көрүөххэ сөп.
  3. Көмөлөһөөччүнү туһанан «Забота» e-yakutia.ru саатйка киирэн.
  4. Телеграм-бот  @Yakutia_mobiliZacia_bot.

СӨ Ил Дарханын уонна Бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 28°C
  • Ощущается: 28°Влажность: 42% Скорость ветра: 4 м/с

Сообщить об опечатке

Текст, который будет отправлен нашим редакторам: