Хаартыскаларга Елена Потоцкая түһэриилэрэ.
Бэс Күөлүн олохтооҕо, 11 оҕолоох Дьоруой Ийэ Анастасия Иванова үп миниистирин солбуйааччы Надежда Филипппова приемугар сылдьан, санаатын үллэһиннэ.
Украинаҕа буола турар байыаннай дьайыыга кини уола, сиэнэ уонна күтүөтэ сылдьаллар эбит. «Сэбиэскэй кэмҥэ Дьоруой ийэ аатын ылбыт ийэлэргэ мин туох да чэпчэтии көрүллүбэтиттэн хомолтобун биллэриэхпин баҕарабын. Киһи ымсыырыах, билигин эдэр ийэлэртэн саҕалаан, Дьоруой ийэлэргэ тиийэ көмө, чэпчэтии арааһа көрүллэр. Мин дьиэ кэргэммиттэн үс киһи байыаннай дьайыыга сылдьар. Онно көрүллэр чэпчэтиинэн туһанан, санаторийга эмтэнэ барыахпын баҕарабын. Хааным баттааһына мөлтөөн, эмп атыылаһыахпын эмиэ баҕарабын. Онно биэнсийэм олох тиийбэт. Мобилизацияҕа түбэспит дьоннордоох дьон санаторийтан эмтэнэн кэллэхтэринэ эрэ айаннарын, путевкаларын сыаната толуйуллар эбит. Онон харчыга ыктаран, көрүллэр чэпчэтиинэн туһаммат кыахха киирдим. Онуоха туох сүбэни биэриэҥ этэй? » — диэн Надежда Филипповаттан ыйыталаста.
Салайааччы Дьоруой Ийэ боппуруоһун сурунан ылла уонна СӨ Үлэ уонна социальнай харысхал министиэристибэтигэр быһаарыыны ылалларыгар тиэрдиэм диэн эрэннэрдэ.
Ити курдук, араас боппуруостаах Бэс Күөлүн аҕыс олохтооҕор тутуу миниистирин солбуйааччы Галина Новикова уонна үп миниистирин солбуйааччы Надежда Филиппова тустаах хоруйдары биэрдилэр. Атамайдар Уһук Илин гектарын туһаныы, кэтэх дьиэлэри регистрациалааһын, хапытаалынай өрөмүөҥҥэ туох чэпчэтии баарын уо.д.а. боппуруостарга санааларын атастаһан, толору хоруйу ылан, астынан тарҕастылар.
Видеоҕа уонна хаартыскаҕа Елена Потоцкая устуута уонна түһэриитэ.
Үөһээ Бүлүү улууһун Сургуулук нэһилиэгин баһылыга Алексей Тарасов уола Алексей Улуу Кыайыы күнүгэр Москваҕа Кыһыл…
Саха сиригэр ааспыт сууккаҕа 6 буруйу оҥоруу бэлиэтэммит. Томпо улууһугар 1971 с.т. эр киһини өлөрбүт…
Эксээмэннэр чугаһаабыттарынан сибээстээн, СӨ Үөрэҕин уонна билимин министиэристибэтэ, Үөрэх хаачыстыбатын кэтээн көрөр киин суруналыыстарга анаан…
Сотору тыаҕа мас тыллыытын, чыычаах ырыатын кытта тэҥҥэ Хомустаах бааһынатыгар ыһыы үлэтэ саҕаланан, үлэ күөстүү…
Судаарыстыбаннай эстрада тыйаатырыгар бүгүн, ыам ыйын 4 күнүгэр, көрөөччүлэр көрдөһүүлэринэн «Сүрэхпинэн көрөбүн: Олох…» тифлор-кэнсиэр ыытыллар.…
Томпо нэһилиэгин волонтердара анал байыаннай дьайыы кыттыылаахтарыгар көмө оҥоруу уопсастыбаннай хамсааһын аахсыйатыгар ис дууһаларыттан көхтөөхтүк…