Дьоруой Ийэлэргэ ханнык чэпчэтиилэр баалларый?

• — судаарыстыбаннай уонна муниципальнай мэдиссиинэ тэрилтэлэригэр уочарата суох  босхо көмө;
• —  быраас ырысыабынан босхо эмтэри биэрии;
• — тиис быратыаһын босхо оҥоруу уонна өрөмүөннээһин (күндү металлартан оҥоһуллубуттартан уонна импланнартан ураты);
• — сылга биирдэ сонотуоруйга-куруорка эмтэниигэ путевкалары бастакы уочарат биэрии;
• — олорор дьиэ куортамын уонна хапытаалынай өрөмүөн төлөбүрдэриттэн босхолонуу;
• — дьахтары уонна кинини кытта олорор инбэлиити хомунаалынай төлөбүртэн босхолооһун, дьиэ төлөпүөнүн ороскуотун төннөрүү;
• — дьиэҕэ төлөпүөнү уонна чааһынай харабыл сигнализациятын туруоруу;
• — сылга биирдэ тимир суол, салгын, уу тырааныспарынан,  ону тэҥэ, куорат иһигэр уонна куорат таһынааҕы тырааныспарынан босхо айан;
• — бары тырааныспар көрүҥнэригэр билиэттэри бастакы уочарат атыылаһыы, исписэлиистэргэ уонна дэлэгээссийэлэргэ (дьахтарга уонна кинини кытта сылдьар киһиэхэ)  аналлаах саалалары  туһанар быраап;
• — сибээс, атыы-эргиэн уонна хомунаалынай, култуура, физкултуура, успуорт тэрилтэлэригэр уочарата суох киирии;
• — босхо идэҕэ үөрэтии;
• — дьахтарга табыгастаах кэмҥэ  сыллааҕы төлөнөр уоппускаҕа эбии үс нэдиэлэҕэ диэри хамнаһа суох уоппусканы биэрии;
•  — Дьоруой Ийэни көмүү уонна мэҥэ тааһын туруоруу – федеральнай бүддьүөт суотугар оҥоһуллар.

Федеральнай сокуон өссө «Дьоруой Ийэ» ааты ылбыт дьахталлар үгүс көмө оннугар ыйдааҕы харчы төлөбүрүн ылар бырааптарын биэрэр. Ыйдааҕы харчынан төлөбүр — 72 403,79 солкуобай (сыллааҕы индексацияны учуоттаан туран).