Дьуһуурунай борокуруор: бэлисипиэти уоруу, харчыны албыннаан ылыы

Ааспыт сууккаҕа өрөспүүбүлүкэҕэ буруйу оҥоруу 4 түбэлтэтэ тахсан, СӨ Борокуратууратын хонтуруолугар ылылынна.

Дьокуускайга дьиэ иһигэр көрүдүөргэ турар бэлисипиэти да сүгүн туруорбакка уорбуттар. Маны сэргэ, буоларын курдук, сымыйанан «ФСБ үлэһитэ» аатыран төлөпүөннээннэр, 500 тыһ.солк. харчыны сойбоппуттарын туһунан сайабылыанньа киирбит.

Томпоҕо сокуону кэһэн наркотигынан эргинии тохтотуллубут. Ону таһынан, өрөспүүбүлүкэ киин куоратыгар массыынаны итирик туруктаах сылдьан хаттаан ыытыы быһаарыллыбыт.

Киһи өлүүлээх суол-тырааныспар быһылаана бэлиэтэммэтэх. Алдан, Бүлүү, Өймөкөөн, Хаҥалас улуустарыгар түөрт ДТП тахсыбытын түмүгэр биэс киһи эчэйиини ылбыт.

Итирик туруктаах сылдьан массыынаны ыыппыт 12 киһи тутуллубут.