Дьуһуурунай борокуруор: Мииринэйгэ массыына түҥнэһиннэ

Саха сиригэр ааспыт сууккаҕа 8 буруйу оҥоруу бэлиэтэннэ. Бу туһунан СӨ Борокуратууратын пресс-сулууспата суруйар.

Дьокуускай куоракка уоруу уонна түөкүннээһин туһунан сайабылыанньалар киирдилэр. Чурапчы уонна Өлүөхүмэ оройуоннарыгар «УАЗ» уонна «Тойота- Ипсум» мааркалаах массыыналары күрэттилэр. Киин куоракка иккиһин итирик туруктаах уруулга олорбут суоппардар тутулуннулар. Киһи өлүллээх суол быһылаана регистрацияламмата.

Мииринэй улууһун Арыылаах нэһилиэгэр дьахтар суоппар «Мазда» массыыната түҥнэһиннэ, саахал түмүгэр 1973 с.т. пассажир балыыһаҕа киирдэ.

Сууккаҕа 12 суоппар итирик туруктаах сылдьан тутулунна.