Дьуһуурунай борокуруор: сааһын ситэ илик оҕоттон суотабай төлөпүөнүн уорбуттар

Саха сиригэр суукка иһигэр буруйу оҥоруу туһунан 3 иһитиннэрии бэлиэтэннэ. Кинилэр бары процессуальнай бэрэбиэркэлэрэ уонна холуобунай дьыалаларын силиэстийэлээһин борокуратуура хонтуруолугар тураллар. Бу туһунан СӨ Борокуратууратын пресс-сулууспата суруйар.

Дьокуускай куоракка элбэх кыбартыыралаах дьиэ подъеһыгар сокуоннай сааһын ситэ илик оҕоттон 30 тыһ. солк. сыаналаах суотабай төлөпүөнүн уорбуттар.

Саахымат кулуубун администраторын остуолуттан ноутбук уоруллубут. Хоромньу кээмэйэ 25,5 тыһ. солк. тэҥнэстэ.

Мэҥэ Хаҥалас улууһугар массыынаны көрүү кэмигэр, 1984 с.т. пассажиртан үүнээйиттэн оҥоһуллубут биллибэт эттик көстөн, былдьанна. Бэрэбиэркэ ыытыллар.

Киһи өлүүлээх суол быһылаана бэлиэтэммэтэ. Суукка иһигэр итирик туруктаах уруулга олорбут 3 суоппар тутулунна.