Дьулустаан Борисов маастар-былааннары олоххо киллэрии көдьүүһүн көрдө

Саха сирин Бырабыыталыстыбатын Бэрэссэдээтэлин бастакы солбуйааччы Дьулустаан Борисов 2030 сылга диэри Дьокуускай уонна Нерюнгри куораттарын социальнай-экэнэмиичэскэй уһун болдьохтоох кэлимсэ былааннарын олоххо киллэриигэ мунньаҕы ыытта.

Тэрээһиҥҥэ “Востокгосплан” ФАНУ сирдээҕи-уоттааҕы бырайыактары олоххо киллэриини өйүүр департаменын үбүлээһиҥҥэ уонна үп бэлиитикэтигэр департаменын дириэктэрин солбуйааччы Анастасия Ларина, Саха сирин министиэристибэлэрин уонна олохтоох салайыныы уорганнарын салайааччылара кытынныллар.

“Илиҥҥи сайдыы министиэристибэтэ үбүлээһини уонна тэрээһини олоххо киллэриини хонтуруоллуур туһуттан бырайыактары салайыы иһитиннэрэр тиһигин торумнаата. Онон олоххо киллэрии көдьүүһүн сыаналааһын дойду Бырабыыталыстыбата Арассыыйа Бэрэсидьиэнигэр субъектар уһун болдьохтоох былааннарын олоххо киллэриилэрин туһунан сыллааҕы дакылаакка анаан уонна рейтини таһаарыыга оҥороллор”, — диэтэ Дьулустаан Борисов.

Саха сирин маастар-былааннарын олоххо киллэрии куратора Анастасия Ларина үөрэтэр сэминээрдэри тэрийэргэ этии киллэрдэ уонна Дьокуускай, Нерюнгри куораттарын агломерацияларын социальнай-экэнэмиичэскэй сайдыыларын уһун болдьохтоох кэлимсэ былааннарын олоххо киллэриигэ нэһилиэнньэҕэ социологическай чинчийиини ыытыы туһунан кэпсээтэ.

Санаттахха, РФ Бэрэсидьиэнин Владимир Путин сорудаҕынан Уһук Илин куораттарыгар маастар-былааннары олоххо киллэрэллэр.   Билигин 25 маастар-былаан торумнаммыт, онно Дьокуускай уонна Нерюнгри киирэллэр. Бу куораттар уһун болдьохтоох  сайдыыларын дойду бырабыыталыстыбата бигэргэппитэ.  2030 сылга диэри бу куораттарга 133 саҥа эбийиэк киириэхтээх.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата