Балаҕан ыйын 27 күнэ – биһиэхэ барыбытыгар сүдү таһымнаах, киэҥ далааһыннаах, историческай суолталаах күн буолар.
Саха Өрөспүүбүлүкэтин тэрийбит Былатыан Ойуунускай, Максим Аммосов, Степан Аржаков албан ааттара үйэлэргэ умнуллубат!
Ахтан-санаан аастахха, 1990 с. балаҕан ыйын 27 күнүгэр Саха АССР Үрдүкү Сэбиэтэ Саха Сирин судаарыстыбаннай суверенитетын туһунан Декларацияны ылыммыта.
Ол түмүгүнэн Саха сирин Арассыыйа Федерациятын састаабыгар судаарыстыба быһыытынан биллэриллибитэ, Өрөспүүбүлүкэ саҥа Конституциятын ылынарга бастакы төрүөтүнэн буолбута.
Итинэн салайтаран өрөспүүбүлүкэ бэйэтин сайдыытын, олохтоохтор олохторун-дьаһахтарын тупсарыыга быһаарыы ылынар кыахтаммыта.
Онон бу ылыллыбыт Декларация уонна Конституция чэрчитинэн атын регионнары сэргэ Арассыыйа иһигэр тэҥ бырааптаах субъегын быһыытынан Федеративнай дуогабарга илии баттаныллыбыта. Ол түмүгэр, Арассыыйа Федеративнай судаарыстыба быһыытынан чөл хаалара ситиһиллибитэ.
Дьэ ол кэннэ Саха сирэ күүскэ сайдар суолга үктэммитэ, араас бырагыраамалар ылыныллан олоххо киирбиттэрэ.Ол саҕаттан «Сахаҕа — тыл, сахаҕа — сир, сахаҕа — итэҕэл» диэн өйдөбүл баар буолбута.
Биир улахан социальнай суолталаах көрүҥүнэн культура сайдарыгар улахан үлэ ыытыллыбыта, билигин даҕаны тохтоло суох ыытылла турар, онтон сиэттэрэн сахабыт Ытык Оһуохайа эмиэ дьаныардаахтык сайдыбыта. Билигин биһиги түмсүүбүт биир улахан түмсүү буолар, сылын аайы араас таһымнаах тэрээһиннэри бэлэмнээн ыытабыт, Оһуохай күнэ олохтоммута, өссө даҕаны былааннар үлэҕэ киирэн үлэ күргүөмнээхтик оргуйуо!
Күндү бар дьоммун, бары таптыыр Сахабыт сирин судаарыстыбаннаһын күнүнэн эҕэрдэлиибин! Баҕарабын эйэни, үтүөнү, сырдыгы! Саха Сиригэр Уруй!
Александр Джурович Данилов — Дьулуур Хан, Оһуохай түмсүү Баһылыга
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…