“Сыл бастыҥ дьиэ кэргэнэ” Бүтүн Арассыыйатааҕы куонкурус тэрийэр кэмитиэтин быһаарыытынан, Чурапчы улууһун олохтоохтро Светлана уонна Василий Дьячковскайдар к“Дьиэ кэргэн – үгэстэри харыстааччы” номинацияҕа кыайдылар. Кинилэр Бочуотунай дипломунан наҕараадаланнылар уонна “Бочуотунай кинигэ. Арассыыйа. 2022” кинигэҕэ киллэрилиннилэр.
Бүтүн Арассыыйатааҕы куонкуруска Саха сирин 5 дьиэ кэргэн билиһиннэрдэ. Кинилэр эрэгийиэннээҕи түһүмэх кыайыылаахтарынан буолбуттара.
“Эдэр дьиэ кэргэн” номинацияҕа Анжелика уонна Радомир Никитиннэр (Мэҥэ Хаҥалас улууһа), Вероника уонна Роман Семеновтар (Өлөөн эбэҥки национальнай улууһа); “Элбэх оҕолоох дьиэ кэргэн” номинацияҕа Людмила уонна Леонид Павловтар (Горнай улууһа); “Тыа сирин дьиэ кэргэнэ” номинацияҕа Евдокия уонна Симон Быккасовтар (Үөһээ Бүлүү улууһа) кытыннылар.
Кинилэргэ барыларыгар кыттыбыттарын туһунан сибидиэтэлистибэ туттарыллыаҕа, ону таһынан кинилэр ааттара, дьиэ кэргэннэрин устуоруйата “Сыл дьиэ кэргэнэ. Арассыыйа. 2022” национальнай летопись-кинигэҕэ киллэриллиэхтэрэ.
Өйдөбүнньүк кинигэлэри уонна сибидиэтэлистибэлэри ахсынньы 15 күнүгэр “Сыл бастыҥ дьиэ кэргэнэ” өрөспүүбүлүкэтээҕи бэстибээл кэмигэр туттарыахтара. Ону таһынан кыайылаах ыаллары чиэстээһин сиэрэ-туома сэтинньи 27 күнүгэр федеральнай ханаалга көстүөҕэ.
Дьячковскайдар былырыын 60 сыл бииргэ олорбуттарын, бриллиант сыбаайбаларын бэлиэтээбиттэрэ. Кинилэр 4 оҕолоохтор, 12 сиэннээхтэр уонна 14 хос сиэннээхтэр.
Национальнай бибилэтиэкэҕэ ыам ыйын 8 күнүттэн «Они показали войну без прикрас. 100 лет - писателям-фронтовикам»…
Өрөспүүбүлүкэ сиригэр-уотугар баһаартан кутталлаах кэм биллэрилиннэ. Туһааннаах уураахха өрөспүүбүлүкэ бастакы вице-бэрэсидьиэнэ Дмитрий Садовников илии баттаата.…
Бүгүн, муус устар 7 күнүгэр, РФ бэрэсидьиэнэ Владимир Путин кулун тутардааҕы быыбар кэнниттэн дойду бэрэсидьиэнин…
Кэлэр 2024-2025 үөрэх дьылыгар үөрэххэ туттарсыы быраабылатыгар кэккэ уларыйыылар киирдилэр. Бу сүрүннээн тус сыаллаах үөрэххэ…
Аҕыйах чааһынан Арассыыйа Бэрэсидьиэнэ Владимир Путин солотугар киирэр сиэрэ-туома ыытыллыа. Инаугурация Москва бириэмэтинэн 12:00 чаастан…
Саха сиригэр бастакы спортивнай бэстибээллэри, спартакиадалары көҕүлээбит уонна ситимнээхтик ыытыллалларын ситиспит төлөннөөх салайааччы Николай Тарскай төрөөбүтэ…