Дзюдоистка Аина Моисеева Бакуга «Большой шлем» турнирга кыттыаҕа

Дзюдоҕа Арассыыйа чөмпүйүөнэ Аина Моисеева Азербайджан Баку куоратыгар  «Большой шлем» диэн норуоттар икки ардыларынааҕы турнирга кыттаары бэлэмнэнэр. Күрэхтэһии рейтиннээх турнирдар ахсааннарыгар киирэр диэн СИА иһитиннэрэр.

Аина Моисеева Арассыыйа сүүмэрдэммит хамаандатыгар киирэн, 48 киилэҕэ диэри ыйааһыҥҥа күрэхтэһиэҕэ. Күрэхтэһиигэ 60-тан тахса дойдуттан 300-чэ кыттааччы кэлэрэ күүтүллэр.

Арассыыйа дзюдоҕа федерацията иһитиннэрэринэн, бу турнир кыһыл көмүс мэтээлэ рейтиҥҥэ 1000 баалы, үрүҥ көмүс мэтээлэ 700 баалы, боруонса мэтээлэ 500 баалы аҕалар.

Киирсиилэр олунньу 16 күнүттэн саҕаланыахтара, бу күн 48 киилэҕэ диэри ыйааһыҥҥа мэтээллэр оонньоноллор.

Дьулустаан Сергеев суруйуутуттан тылбаас.