Эбээн-Бытантайга ойуур баһаардарын умуруорууга күүһү улаатыннараллар

Эбээн-Бытантай оройуонугар ойуур баһаарын умуруорууга 20 баһаарынайдары ыыттылар. Маннык быһаарыы СӨ бастакы вице-премьера Дмитрий Садовников салалтатынан баһаартан ойууру харыстыыр суһал ыстаабын мунньаҕар ылылынна.

Эбээн-Бытантай улууһугар 2 ойуур баһаара турбут. Саккырыыр нэһилиэккэ «Якутлесресурс» 10 уонна «Авиалесоохрана» 10 үлэһиттэрэ көттүлэр. Олохтоох күүһү учуоттаан уоту бохсууга 26 киһи үлэлиэҕэ. Балаһыанньа бигэтийбитин кэннэ Дьааҥы улууһугар баһаарынайдар бөлөҕүн уустук сирдэринэн ыытыы былааннанар.

Онно 6 ойуур баһаарын умуруорууга 76 киһи үлэлиир. Ойуур баһаарыттан ураты, Саха сиригэр 820 гектар иэннээх сиргэ 41 ландшафтнай баһаар баар. Олортон үксүтэ Арктика уонна хотугу оройуоннарыгар турбут. Сүрүн биричиинэтэ — нэһилиэнньэҕэ көҥүлэ суох өртөөһүнү ыытыы.