Эрдэ суруйбуппут курдук, Биир кэлим координационнай киин (ЕКЦ) быстах байыаннай дьайыыга сылдьан эчэйбит биир дойдулаахтарбытын кытары үлэтигэр «Саха волонтердара» хамсааһыннара күүскэ көмөлөһөр.
Хамсааһын үлэтин холобурдаан туран, ол туһунан Саха сирин Москваҕа баар постпредын солбуйааччы, эчэйбит байыаннай сулууспалаахтары кытары үлэҕэ Биир кэлим координационнай киин оробуочай бөлөҕүн салайааччыта Мария Сафонова брифиҥҥэ бэлиэтээтэ.
«Бу күннэргэ Москваҕа баар биһиги «саха волонтердарбыт» госпитальга сытар биир дойдулаахтарбытыгар анаан Саха сирин араас улуустарыттан ыыппыт көмө астарын-үөллэрин, бородуукталарын туттулар. Онон бүгүҥҥүттэн «саха волонтердар» госпитальга сытар уолаттарбытыгар сибиэһэй дьиэ аһын астаан уонна кэлбит наадалаах малларын тириэрдэллэр», – диэн Мария Сафонова иһитиннэрдэ.
Бааһырыыны ылбыт биир дойдулаахтарбыт Арассыыйа араас куораттарынан, Москва, Санкт-Петербург, Ростов, Рязань, Саратов, Самара, Сызрань, Тула, Нижнэй Новгород уонна Илин Уһук уокурук госпиталларыгар сыталларын учуоттаан, үөһэ ыйыллыбыт хамсааһыны ити куораттарга эмиэ кэҥэтиэххэ диэн постпред солбуйааччыта эттэ.
«Өскөтүн бу ыйыллыбыт куораттарга волонтердаан көмөлөһүөн баҕарар биир дойдулаахтарбыт баар буоллахтарына, Москваҕа постпредствоҕа эбэтэр Биир кэлим координационнай киин «итии лииньийэтигэр» сибээстэһэн билистиннэр», – диэн Мария Сафонова биир дойдулаахтарыгар туһаайан эттэ.
Постпредство төлөпүөнүн нүөмэрдэрэ: +7 (926) 887-08-52 уонна +7 (926) 886-86-04.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…