Хаартыска: "Симэх" киин
Арассыыйа бэрэсидиэньэ Владимир Путин көҕүлээһининэн Саха сиригэр култуура эйгэтэ сайдар. «Симэх» национальнай киин бэрэсидьиэн Гранынан биир ый устата 100 киһиэхэ маастар-кылаастары ыытта.
«Норуот уус-уран оҥоһуктарын айар мастарыскыайа» бырайыак 2025 сылга култуура уонна ускуустуба салаатыгар национальнай суолталаах айар бырайыактары өйүүр куонкурус кыайыылааҕынан буолбута.
Мастарыскыайга оҕолор уопуттаах маастардар салайыыларынан үөрэннилэр, айылҕа матырыйаалларынан үлэлээтилэр, төрүттэрин үгэстэринэн оҥоһуллубут киэргэллэр уонна бэлиэлэр кистэлэҥнэрин биллилэр,
«Бу бырайыак биһиэхэ култуура дьиктилээхэй куодун харыстааһыҥҥа эдэр көлүөнэҕэ тириэрдиигэ дьоһуннаах хардыынан буолла. Биһиги оҕолор айар үлэни хайдах курдук кэрэхсииллэрин, харахтара сырдыырын көрөбүт. Биир ыйдаах үлэ маннык үөрэх төһөлөөх наадатын көрдөрдө. Биһиги оҕолору үөрэттибит эрэ буолбатах -– бэйэлэрин норуоттарын кытары ситимнииргэ көмөлөстүбүт, айар үлэҕэ уонна Саха сирин үгэс буолбут ускуустубатынан киэн тутталларыгар көҕүлээтибит», -– диэн бырайыак ааптара Радомира Баишева санаатын үллэһиннэ.
Үөрэҕи түмүктээһин сиэригэр-туомугар кыттааччылар үлэлэрин быыстапкаҕа туруордулар, оттон эдэр маастардар сэртипикээттэри уонна өйдөбүнньүк бэлэхтэри туттулар.
«Норуот уус-уран оҥоһуктарын айар мастарыскыайа» бырайыак Саха сирин эдэр талааннарын буларга уонна өйүүргэ, кинилэр салгыы сайдалларыгар усулуобуйаны тэрийэргэ аналлаах.
СӨ Ил Дарханын уонна бырабыыталыстыбатын пресс-сулууспата
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…
Күн бүгүҥҥүттэн үлэ күнүн кыраапыгын оҥоһуу өй (ИИ) былаанныан сөп. Үлэ эйгэтэ олус түргэнник уларыйан,…
Дьокуускай киинигэр Киров уулуссаҕа баар түүҥҥү аралдьытар тэрилтэ аттыгар түөрт киһи икки уолу кырбаабыттар. Бэрэбиэркэ…