Эдьигээн улууһугар бырабыыталыстыба отчуота бастыҥнары чиэстээһинтэн саҕаланна

СӨ ситэриилээх былааһын отчуотун оробуочай бөлөҕө олунньу 15 күнүгэр Эдьигээҥҥэ көтөн кэлээт да, олохтоохтору кытары көрүстэ.

Бырабыыталыстыба отчуота РФ уонна Саха Өрөспүүбүлүкэтин Өрөгөй ырыатынан  саҕаланна.
Онтон СӨ бырабыыталыстыбатын бэрэссэдээтэлин бастакы солбуйааччы Дмитрий Садовников, СӨ үлэҕэ уонна социальнай сайдыыга миниистирэ Елена Волкова уонна доруобуйа харыстабылын миниистирин солбуйааччы Надежда Федорова Эдьигээн бастыҥ үлэлээх дьонугар наҕараадалары үөрүүлээх быһыыга-майгыга туттардылар.
Саха Өрөспүүбүлүкэтин Бырабыыталыстыбатын Махтал суругунан Эдьигээн орто оскуолатын дириэктэрэ Любовь Петровна Корякина,
муниципальнай тэриллиилэр үлэлэрин хааччыйар агентство салайааччыта Константин Сергеевич Овчинников наҕараадаланнылар.
Дьиэ кэргэн хапытаалын (300 тыһыынча солкуобай) сэртипикээтин Наталья, Александр Рассадиннар, Тамара, Александр Сергеевтэр; «Сүүс сыл оҕолоро» хапытаал (110775 солк) сэртипикээтин Ньургуйаана, Вячеслав Афанасьевтар, Юлия, Владислав Евсеевтэр туттулар.
«Доруобуйа харыстабылын туйгуна» бэлиэнэн Наталья Анатольевна Иванова,
Доруобуйа харыстабылын министиэристибэтин Бочуотунай грамотатынан Элеонора Васильевна Афанасьева,
Альбина Афанасьевна Шемякова наҕараадаланнылар.