Арассыыйа Арктика зонатын сэттэ эрэгийиэнэ социальнай инфраструктураны саҥардыыга биир кэлим субсидия ылыаҕа
Бырабыыталыстыба Бэрэссэдээтэлин солбуйааччы – Уһук Илиҥҥэ РФ Бэрэсидьиэнин боломуочуйалааҕа Юрий Трутнев Арктика сайдыытын боппуруостарыгар судаарыстыбаннай хамыыһыйа президиумун мунньаҕын ыытта. Сүрүн боппуруоһунан Арктика эрэгийиэннэригэр экэниэмикэ сайдыытын кииннэрин социальнай сайдыыларын былаанын көрүү буолла.
“Бастакы боппуруоһунан экэниэмикэ сайдыытын кииннэрин социальнай сайдыыларын былаанын көрүөхпүт. Федеральнай бүддьүөттэн харчы биир кэлим субсидия нөҥүө бэриллэр. Бу ньыма Уһук Илиҥҥэ үчүгэйдик үлэлиир. Бу көмөтүнэн 577 социальнай суолталаах эбийиэктэр киирдилэр, 951 эбиийэк өрөмүөннэннэ”, — диэтэ Юрий Трутнев мунньаҕы арыйарыгар.
Онон сэттэ эрэгийиэн бырайыактарын былаанын көрдүлэр: Коми Өрөспүүбүлүкэтэ, Карелия Өрөспүүбүлүкэтэ, Мурманскай, Архангельскай уобаластар, Чукотка, Ненецкэй автономнай уокурук, Саха сирэ.
«Сэтинньигэ Арктика эрэгийиэннэрин экэниэмикэ сайдыытын кииннэрин социальнай сайдыытыгар Арассыыйа Бырабыыталыстыбатынан 2,6 млрд солкуобай көрүлүннэ. Ону тэҥэ 7 эрэгийиэн 2023 сылга этиитин көрүөхпүт. Ол курдук, балыыһалары, оскуолалары, уһуйааннары, спортивнай комплекстары тутуу эҥин киирэр. Бу миэрэлэр Арктикаҕа олорор 2,5 мөл киһи олоҕун тупсарыаҕа”, — диэн Юрий Трутнев бэлиэтээтэ.
Саха Өрөспүүбүлүкэтэ 2023 сылга 136 мөл солкуобайы Эдьигээн сэлиэнньэтигэр элбэх өҥөнү оҥорор успуорт саалатын тутууга ылыаҕа.
РФ Бырабыыталыстыбатын саайтыттан
Хаартыска: тустаах саайтан
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…
Арассыыйа Бырабыыталыстыбата соторутааҕыта олоххо саамай наадалаах уонна суолталаах эмп препараттарын (ЖНВЛП) испииһэгин кэҥэттэ. Искэн, генетическэй,…
Ахсынньы 24 күнүгэр ЯК-488 Санкт-Петербург – Дьокуускай рейсин толоруу кэмигэр, салгын аалын хамандыыра, тиэхиньикэ алдьаныытынан,…
Сунтаарга буокса сиэксийэтэ аан бастакытын Сиэйэҕэ тэриллибитэ. Ол курдук, 1959 сыллаахха энтузиаст учуутал, тренер Гаврил…
Өрөспүүбүлүкэҕэ суукка иһигэр 8 буруйу оҥоруу түгэнэ бэлиэтэннэ, олорунан процессуальнай бэрэбиэркэлэр уонна хонтуруоллааһын ыытыллар. Бу…
Ил Дархан Айсен Николаев Арассыыйа Бэрэсидьиэнин көмөлөһөөччүтэ Николай Патрушев салайан ыыппыт (Морской коллегия) мунньаҕар кыттыыны…