Эһиилги “Дыгын оонньууларын” кыайыылааҕа төһө сууманы ылыай?

2026 сыллааҕы “Дыгын оонньууларын” кыайыылааҕар уонна бириистээх миэстэҕэ  тиксибиттэргэ бириис пуондата оннунан хаалыаҕа.

Бүгүн киин куорат физкультураҕа уонна успуорка управлениета уонна национальнай элбэх көрүҥнээх күрэхтэһии федерациятын исполкома эһиилги “Дыгын оонньууларынан”  мунньах ыытта.

«Дыгын оонньууларын» сүрүн спонсора, «Прогресс» ХЭУо генеральнай дириэктэрэ уонна СӨ Национальнай элбэх көрүҥнээх күрэхтэһии федерациятын бэрэсидьиэнэ Алексей Пинигин 2026 сыллааҕы күрэхтэһиигэ бириис пуондата 2025 сыллааҕы курдук буоларын бигэргэттэ. Кыайыылаахха 3 000 000 солкуобайы туруоруох буолла.

Оонньуулар биир сүрүн тэрийээччилэрэ Эдуард Ефимов (Дьокуускай куорат физическэй култуураҕа уонна успуорка управлениетын начаалынньыга) күрэхтэһии кыайыылааҕа уонна бириистээх миэстэҕэ тиксибиттэр, ону тэҥэ 5 бастыҥ иһигэр киирэр боотурдар киин куорат дьаһалтатыттан дьоһуннаах наҕарааданы тутуохтара, быйылгы таһымтан түһэриэхпит суоҕа, диэн эттэ.