«ЭЙГЭ» бириэмийэ 100 кыайыылааҕа билиннэ

«ЭЙГЭ» бириэмийэ 100 кыайыылааҕа билиннэ

22.11.2022, 15:11
Бөлөххө киир:

 «ЭЙГЭ» бириэмийэҕэ анаан архитектура уонна дизайн эйгэтигэр  сайаапкалары ылыы сэтинньи 1 күнүгэр түмүктэммитэ.

Уопсайа 200 сайаапка киирбитин туһунан Ил Дархан иһинэн үлэлиир Архитектураҕа уонна куораты тупсарыыга управлениетын исписэлиистэрэ иһитиннэрдилэр. «Хаачыстыбаннай тутуу эрэ буолбакка, дьон олорор эйгэтин, усулуобуйатын тупсарыы — кэм ирдэбилэ. Онон бу суолталаах боппуруоһу быһаарыыга туһалаах бырайыактары бириэмийэнэн өйөөһүн, бастыҥ көҕүлээһин быһыытынан сонун сүүрээннэр олоххо тэтимнээхтик киириилэрин ситиһии», — диэн Ил Дархан Айсен Николаев анаан бэлиэтээн турар.

— Олус хаачыстыбалаах, дириҥ ис хоһоонноох үлэлэр киирдилэр. Бу  талыллыбыт 100 эбийиэк бэйэлэрин хайысхаларыгар номнуо кыайыылаах быһыытынан ааҕыллаллар. Хас биирдии номинацияҕа кыайыылаах бэриллибит үлэ хайысхатынан аттарылынна. Холобур, «Бастыҥ уопсастыбаннай эйгэ» номинацияҕа 30 сайаапкаттан 11 бырайыагы таллыбыт.  «Бырамыысаланнас уонна инфраструктура эбийиэктэрэ» номинацияҕа 12 сайаапкаттан 3 эбийиэк бириэмийэҕэ хабыста. Бары номинацияларга күрэстэһии олус үрдүк.  Быйыл бириэмийэҕэ 42 нэһилиэнньэлээх пуунтан сайаапка киирдэ. БалартанГорнай Бэрдьигэстээҕэ, Нам, Сунтаар улуустара, Дьокуускай, Ленскэй, Бүлүү куораттара чорбойоллор. Ыраах хоту улуустан Өлөөн улууһа көхтөөх кыттыыны ылла — 6 номинацияҕа 9 сайаапканы биэрдэ.  «ЭЙГЭ» архитектурнай бириэмийэҕэ, маны таһынан, 6 аныгылыы оҥоһуулаах элбэх кыбартыыралаах дьиэ киирдэ. Хаарбах дьиэттэн аныгылыы тутуулаах дьиэлэр сайаапкалара Үөһээ Бүлүү, Нам, Горнай, Чурапчы, Ленскэй, Сунтаар уонна Өймөкөөн улуустарыттан киирдилэр.  «ЭЙГЭ» куонкурус өрөспүүбүлүкэ куораттарын уонна нэһилиэктэрин тупсарыыга сайдыы суолун түстүүр, — диэн Саха сирин кылаабынай  архитектора Ирина Алексеева бэлиэтээтэ.

 100 бастыҥ эбийиэктэн эспиэрдэр  10 номинацияҕа кыайыылаахтары таллылар. Кинилэр ааттара ахсынньы 3 күнүгэр Ю.А. Гагарин аатынан аныгы култуура киинигэр ааттаныахтара. Куоратын эбэтэр нэһилиэгин кэлимник сайыннарыыга дьоһуннаахтык сыһыаннаспыт муниципальнайй тэриллии саамай үрдүк наҕараадаҕа — 2023 сылга уопсастыбаннай эйгэтин тупсарарыгар анаан 10 мөлүйүөн солкуобайга тиксиэҕэ.

Лента
Салгыы
29 января
  • -45°C
  • Ощущается: -45°Влажность: 64% Скорость ветра: 0 м/с

Сообщить об опечатке

Текст, который будет отправлен нашим редакторам: