Өймөкөөҥҥө -55С кыраадыска тиийэ тымныйда

Ахсынньы 28 күнүгэр Өймөкөөн оройуонугар салгын температурата -55C кыраадыска тиийэ түстэ.

Оройуон дьаһалтатыгар иһитиннэрбиттэринэн,  улууска маннык салгын температура сыл нуормата буолар. «Бүгүн улаханнык тымныйбыт. Сэлиэнньэҕэ -55С кыраадыс этэ. Ахсынньы олус сылаас  уонна маннык тымныы быйыл аан бастаан буолла диэххэ наада, ол гынан баран биһиэхэ ити нуорма», — диэн дьаһалта иһитиннэрдэ. Олохтоохторго сэрэтэр дьаһаллары тутуһалларыгар сүбэлээтилэр.

Уус Ньаараҕа салгын температурата -48С кыраадыс буолла. Тымныы полюһугар, Өймөкөөн сэлиэнньэтигэр, температура -50С кыраадыс кэриҥэ тымныы.